នេះហើយជាហេតុផលអ្នកជំនាញណែនាំឱ្យ ឆុងទឹកដោះគោជាមួយទឹកនៅសីតុណ្ហភាព 70°C

ប្រហែលជាលោកប៉ាអ្នកម៉ាក់ធ្លាប់បានលឺរួចហើយថា ម្សៅទឹកដោះគោ ជាទូទៅត្រូវបានគេណែនាំឱ្យឆុងជាមួយទឹកនៅសីតុណ្ហភាព 70°C ។

ចំពោះមូលហេតុដែលគេណែនាំឱ្យឆុងជាមួយទឹកក្ដៅឧណ្ហៗនេះ ព្រោះរាល់ម្សៅទឹកដោះគោសម្រាប់កុមារមិនត្រូវបានសម្លាប់មេរោគទាំងស្រុងនោះទេ។

ការឆុងម្សៅទឹកដោះគោជាមួយទឹកនៅសីតុណ្ហភាព 70°C ក៏មានគុណប្រយោជន៍ជាច្រើនដូចជា៖

• សុវត្ថិភាព៖​ ជួយសម្លាប់បាក់តេរីដែលអាចឆ្លងចូលក្នុងម្សៅទឹកដោះគោ ដែលជួយឱ្យទារកនិងកុមារអាចញុំាទឹកដោះគោប្រកបដោយសុវត្ថិភាពគ្រប់គ្រាន់
• ជួយដល់ការរំលាយ៖ ការឆុងម្សៅទឹកដោះគោជាមួយទឹកក្ដៅឧណ្ហជួយឱ្យម្សៅឆាប់រលាយសព្វល្អ (មិនឡើងដុំ) ដែលជួយឱ្យកុមារទទួលបានជីវជាតិគ្រប់គ្រាន់រៀងរាល់ពេលបៅ
• ការឆុងទឹកក្ដៅអុណ្ឌៗវាឆាប់រលាយជាងទឹកធម្មតា ចឹងក្មេងបៅទៅក៏មិនសូវប្រឈមនឹងការទល់លាមក
• សូមជ្រើសរើសដបដោះគោដែលអាចធន់នឹងកំដៅបាន (មាន BPA Free)
• សូមកុំភ្លេចចាក់លើដៃបន្ដិច មុនពេលឱ្យអូនបៅ ដើម្បីប្រាកដថាអត់រលាកមាត់អូន។

ប្រភព៖cdc.gov