ហើមពោះមិនបាត់សោះ!!! តោះមកដឹងពីវិធីសាស្រ្តកាត់បន្ថយការហើមពោះក្នុងពេលមានគក៌

មូលហេតុបង្កឱ្យស្រ្តីមានគក៌ហើមពោះ

បម្រែបម្រួលអរម៉ូនក្នុងអំឡុងពេលមានផ្ទៃពោះអាចបង្កផលរំខានជាច្រើនដល់ស្រ្តីមានគក៌ ដែលមួយក្នុងចំណោមផលរំខានទាំងនោះគឺធ្វើឱ្យស្រ្តីមានអាការៈហើមពោះជាប់ជាប្រចាំ។

បញ្ហានេះវាបង្កដោយអរម៉ូនក្នុងអំឡុងពេលមានផ្ទៃពោះ ទៅធ្វើឱ្យស្បូន និងសាច់ដុំប្រព័ន្ធរំលាយអាហាររលារ ដែលវាបង្កឱ្យមានផលប៉ះពាល់លើការរំលាយអាហាររបស់ស្រ្តីមានផ្ទៃពោះ ជាលទ្ធផលវាបង្កឱ្យស្រ្តីទល់លាមក ហើមពោះ និងទល់ខ្យល់។

អាការៈហើមពោះអាចកើតមានតាំងពីត្រីមាសទី១ និងកាន់តែធ្វើទុក្ខរហូតដលត្រីមាសទី៣នៃការពរពោះ ដោយចាប់ពីសប្ដាហ៍ទី២៩ទៅ ទារកកាន់តែធំធាត់ឡើងសង្កត់លើក្រពះពោះវៀនស្រ្តី ដែលធ្វើឱ្យក្រពះពោះវៀនដំណើរការមិនសូវបានល្អទើបធ្វើឱ្យមានអាការៈទាំងនេះលេចឡើង។

ដំណោះស្រាយ

ញ៉ាំទឹកយ៉ាងហោចណាស់៨កែវក្នុងមួយថ្ងៃ
ញ៉ាំអាហារដែលសម្បូរជាតិសរសៃឱ្យបានច្រើនដូចជាបន្លែ ផ្លែឈើស្រស់ៗ ផ្លែឈើក្រៀម និងពពួកធុញ្ញជាតិ
មានសកម្មភាពជាប្រចាំថ្ងៃ ដូចជាការដើរយឺតៗជាដើម
ញ៉ាំអាហារយឺតៗ និងញ៉ាំឱ្យបានញឹកញាប់
បញ្ចៀសអាហារណាដែលសម្បូរខ្លាញ់ច្រើន
បញ្ចៀសញ៉ាំអាហារជាមួយទឹក ឫ ញ៉ាំទឹកក្រោយបាយហើយភ្លាមៗ
បញ្ចៀសការញ៉ាំកាហ្វេ ឫ អាហារមានជាតិកាហ្វេអុីន
កុំញ៉ាំសូរា
កុំញ៉ាំអាហារមុនគេង (គម្លៀត២ទៅ៣ម៉ោង) ។

ការប្រើប្រាស់ឱសថបំបាត់ហើមពោះ មិនត្រូវបានលើកទឹកចិត្តឱ្យប្រើនោះទេ ដោយសារឱសថមួយចំនួនអាចបង្កផលប៉ះពាល់ដល់ការលូតលាស់របស់គក៌ក្នុងផ្ទៃ។

ប្រភព៖www.medicalnewstoday.com