ភេសជ្ជៈប៉ូវកម្លាំង និងគ្រឿងកំប៉ុងត្រូវបានហាមឃាត់ក្នុងពេលមានផ្ទៃពោះ

ភេសជ្ជៈប៉ូវកម្លាំង ឫ គ្រឿងកំប៉ុង (Energy Drinks) មិនគួរជាភេសជ្ជៈដែលស្រ្តីមានគក៌គួរទទួលទាននោះទេ។ វាមានផ្ទុកនូវសារធាតុដែលអាចបង្កគ្រោះថ្នាក់ដល់ស្រ្តីមានគក៌ ដូចជា៖

ជាតិសូដ្យូមអាចធ្វើឱ្យស្រ្តីហើមដៃ និងជើងក្នុងអំឡុងពេលមានផ្ទៃពោះ
ជាតិកាហ្វេអុីនក្នុងភេសជ្ជៈប៉ូវកម្លាំងអាចធ្វើឱ្យម្ដាយប្រឈមនឹងបេះដូងលោតញាប់ សម្ពាធឈាមកើនឡើង បត់ជើងតូចញឹកញាប់ដែលអាចធ្វើឱ្យម្ដាយប្រឈមនឹងកង្វះជាតិទឹក និងអេឡិចត្រូលីត្រ។ វាក៏ធ្វើឱ្យទារកលូតលាស់មិនសូវបានល្អ ហើយទារកអាចប្រឈមនឹងជំងឺវិបត្តិផ្ដោតអារម្មណ៍ (ADD or ADHD) ក្នុងពេលអនាគត
ជាតិស្ករច្រើនក្នុងគ្រឿងកំប៉ុង អាចធ្វើស្រ្តីមានផ្ទៃពោះឡើងគីឡូខ្លាំង ប្រឈមនឹងជំងឺទឹកនោមផ្អែមក្នុងពេលមានគក៌ ប្រឈមនឹងបម្រុងក្រឡាភ្លើង ពិការភាពពីកំណើត
ជាតិកាល់ឡូរី ឫ ស្ករច្រើនក៏អាចធ្វើឱ្យទារកថ្លោសខ្លាំង (អាចធ្វើឱ្យទារកប្រឈមនឹងជំងឺធាត់ និងជំងឺរ៉ាំរ៉ៃ)
ប្រឈមនឹងសម្រាលបុត្រមុនខែកំណត់។