ឱ្យកូនញ៉ាំផ្លែឈើរាល់ថ្ងៃ ដឹងអត់ថាវាជួយអ្វីខ្លះដល់សុខភាពទារកនិងកុមារ!

ផ្លែឈើដើរតួនាទីយ៉ាងសំខាន់ក្នុងការអភិវឌ្ឍនិងការលូតលាស់របស់កុមារ។ ខាងក្រោមនេះជាអត្ថប្រយោជន៍របស់ផ្លែឈើដែលអ្នកផ្ដល់ដល់កូនៗជារៀងរាល់ថ្ងៃ៖

• ជម្រុញប្រព័ន្ធការពាររាងកាយ
• កាត់បន្ថយការប្រឈមនឹងការលើសគីឡូ
• បញ្ចៀសពីជំងឺផ្សេងៗ
• សម្អាតរាងកាយ
• បង្កើនថាមពល និងសកម្មភាពប្រចាំថ្ងៃ

អាណាព្យាបាលគួរផ្ដល់នូវប្រភេទផ្លែឈើចម្រុះមុខគ្នា ដើម្បីប្រាកដថាកុមារអាចទទួលបាននូវជីវជាតិត្រឹមត្រូវសម្រាប់ការលូតលាស់និងការទ្រទ្រង់រាងកាយ។

ផ្លែឈើសម្បូរទៅដោយជាតិប៉ូតាស្យូមដែលវាមានសារៈសំខាន់សម្រាប់ជួយដល់សុខភាពបេះដូង សាច់ដុំនិងមុខងារប្រព័ន្ធប្រសាទរបស់ក្មេង។ អាណាព្យាបាលអាចបន្ថែមនូវផ្លែចេក ក្រូច ត្រសក់ស្រូវ ក្នុងរបបអាហាររបស់ទារកនិងកុមារ។

ផ្លែឈើសម្បូរជាតិសរសៃដែលជួយដល់មុខងារប្រព័ន្ធរំលាយអាហារឱ្យដំណើរការបានល្អ។ ផ្លែឈើសម្បូរវីតាមីន និងជាតិរ៉ែសម្រាប់ជួយទ្រទ្រង់ដល់រាងកាយក្មេង។

លោកប៉ាអ្នកម៉ាក់គួរផ្ដល់នូវផ្លែឈើចម្រុះមុខដល់កុមារ ដោយផ្លែឈើចម្រុះមុខអាចផ្ដល់នូវជីវជាតិសំខាន់ៗផ្សេងៗគ្នាដែលចាំបាច់សម្រាប់ការទ្រទ្រង់រាងកាយកុមារ។

• ផ្លែឈើពណ៌លឿង និងទឹកក្រូចល្អសម្រាប់សុខភាពភ្នែក
• ផ្លែឈើពណ៌ក្រហមដូចជាផ្លែប៉ោម និងផ្លែស្រ្តរប៊ីរីល្អសម្រាប់សុខភាពបេះដូង
• ផ្លែឈើពណ៌បៃតងដូចជាផ្លែត្របែក ផ្លែសារីបៃតងសម្បូរជាតិកាល់ស្យូមដែលជួយដល់ការទ្រទ្រង់ឆ្អឹងនិងធ្មេញរបស់កុមារ។

ប្រភព៖parenting.firstcry.com