សាកល្បងអាហារទាំងនេះ អាចជួយឱ្យគូស្វាមីឆាប់មានបុត្រ

ក្រៅពីការឆែកសុខភាព ការញ៉ាំវីតាមីនបំប៉ន ការរក្សាគីឡូក្នុងកម្រិតស្ដង់ដា -ល- ការញ៉ាំអាហារប្រចាំថ្ងៃឱ្យបានត្រឹមត្រូវក៏ចាំបាច់សម្រាប់ជួយឱ្យគូស្វាមីឆាប់មានបុត្រដែរ។

ខាងក្រោមនេះជាប្រភេទអាហារដែលជួយឱ្យស្រ្តីឆាប់មានបុត្រ៖

១.សណ្តែក

សម្បូរជាតិសរសៃ និងហ្វូឡេត
ជួយរក្សាលំនឹងអរម៉ូនក្នុងរាងកាយ
សារជាតិ polyamine spermidine ក្នុងសណ្ដែកជួយឱ្យមេជីវិតឈ្មោលបង្កកំណើតជាមួយមេជីវិតញី
ផ្ទុកជាតិប្រូតេអុីនខ្ពស់ ជួយដល់ការបញ្ចេញមេជីវីតញីបានខ្ពស់
ប្រសិនជាស្ត្រីញ៉ាំសណ្ដែកកំប៉ុង គួរតែពិនិត្យរកមើលថា កំប៉ុងនោះមានជាតិ BPA ឫអត់? ព្រោះជាតិ BPA នេះបណ្ដាលឱ្យប៉ះពាល់ដល់កម្រិតអរម៉ូនអឺស្ត្រូហ្សែនក្នុងរាងកាយស្ត្រីដែលធ្វើឱ្យស្រ្តីពិបាកបង្កកំណើត

២.គ្រាប់ឈូក

គ្រាប់ឈូករ័ត្នធម្មជាតិសម្បូរវីតាមីន E ជួយជម្រុញការផលិតមេជីវិតឈ្មោល និងការធ្វើចលនារបស់វា
មានជាតិហ្វូឡេត សេលេញ៉ូមដែលជួយដល់ការបង្កកំណើតមេជីវីតឈ្មោល និងមេជីវីតញី

៣.ស៊ុត(ផ្នែកក្រហម)

ផ្នែកក្រហមក្នុងស៊ុតសម្បូរទៅដោយជាតិដែក កាល់ស្យូម ស័ង្កសី វីតាមីន B6 ហ្វូឡេត និងវីតាមីន B12
ផ្ដល់វីតាមីនA ១០០%តាមតម្រូវការប្រចាំថ្ងៃ
ផ្ដល់នូវអាស៊ីតខ្លាញ់ EPA DHA និងវីតាមីន A D E K2
ជីវជាតិទាំងនេះជួយដល់ការបង្កកំណើតរវាងមេជីវិតញី និងមេជីវិតឈ្មោល
សូមញ៉ាំស៊ុតដែលចម្អិនឆ្អិន ព្រោះការញ៉ាំស៊ុតឆៅអាចបង្កមានការឆ្លងរោគ។

៤.ទឹកដោះគោមានជាតិខ្លាញ់ខ្ពស់ (Full Fat Milk)

វីតាមីន A D E K និង K2 ក្នុងទឹកដោះគោមានជាតិខ្លាញ់ខ្ពស់ ជួយដល់ការបង្កកំណើត
តាមការសិក្សារបស់សាកលវិទ្យាល័យ Harvard បានបង្ហាញថា ស្ត្រីដែលបានញ៉ាំទឹកដោះគោមានជាតិខ្លាញ់ខ្ពស់ជាប្រចាំពុំសូវមានបញ្ហាលើការបង្កកំណើតដូចស្ត្រីដែលបានញ៉ាំទឹកដោះគោមានជាតិខ្លាញ់ទាប ឬ មិនដែលញ៉ាំទឹកដោះគោសោះនោះទេ

៥.ថ្លើមសត្វ

វីតាមីន B12 ក្នុងថ្លើមគោជួយដល់ការសំយោគ DNA និងការបង្កើតគ្រាប់ឈាមក្រហម
មានវីតាមីន A និងជាតិដែកច្រើនដែលជួយកាត់បន្ថយការរលូតកូន និងបញ្ហាស្លេកស្លាំងក្នុងពេលមានផ្ទៃពោះ
នៅពេលបរិភោគ ស្ត្រីគួរចំអិនឱ្យបានឆ្អិនល្អ

៦.ផ្លែក្រូច និងទំពាំងបាយជូរ

សម្បូរទៅដោយវីតាមីន C
មានជាតិ polyamine putrescine ចូលរួមក្នុងការជួយឱ្យមេជីវិតញី និងមេជីវិតឈ្មោលមានសុខភាពល្អ

៧.ផ្លែទទឹម

បុរសញ៉ាំផ្លែទទឹមជាប្រចាំរយៈពេល៣ខែ ជួយដល់សុខភាពមេជីវិតឈ្មោលរហូតដល់ទៅ ៦២%

៨.ប៉េងប៉ោះឆ្អិន

បុរសអាចញ៉ាំប៉េងប៉ោះឆ្អិនដើម្បីជម្រុញដល់ការបង្កកំណើត
ជាតិលីកូប៉ែនជួយប្រឆាំងអុកស៊ីតកម្មក្នុងរាងកាយនិងលើកកម្ពស់ការបង្កកំណើតចំពោះបុរស
ញ៉ាំអាហារដែលមានជាតិលីកូប៉ែន 4mg ទៅ8mg ក្នុងមួយថ្ងៃរយៈពេល ៨ ទៅ១២ខែ ជួយឱ្យមេជីវីតឈ្មោលមានសុខភាពកាន់តែល្អ និងបង្កើនឱកាសនៃការមានផ្ទៃពោះកាន់តែខ្ពស់
ប៉េងប៉ោះស្រស់មានជាតិលីកូប៉ែនតិចជាងប៉េងប៉ោះដែលចម្អិនរួច។

៩.អយស្ទ័រ

ជាប្រភេទអាហារដែលជួយដល់ការបង្កកំណើត
អយស្ទ័រឆៅ៦គ្រាប់ផ្ដល់កាឡូរីរហូតដល់ទៅ ១៣៩ និងសារជាតិចិញ្ចឹមសំខាន់ៗដូចជា៖
408% នៃចំនួនប្រចាំថ្ងៃរបស់ វីតាមីន B12
188% នៃចំនួនប្រចាំថ្ងៃរបស់ស័ង្កសី
187% នៃចំនួនប្រចាំថ្ងៃរបស់សេលេញ៉ូម
43% នៃចំនួនប្រចាំថ្ងៃរបស់ជាតិដែក

ទោះបីអយស្ទ័រឆៅសម្បូរសារជាតិចិញ្ចឹមជាងអយស្ទ័រឆ្អិន តែវាក៏មានពពួកព្រូននិងអៀនច្រើនដែរ។ ការអាំង ឬ ចំហុយឱ្យឆ្អិនល្អគឺប្រសើរបំផុតក្នុងការជៀសវាងការចម្លងសត្វល្អិត។

១០.ឈើអែម

ស្ត្រីដែលមានគីសក្នុងស្បូនបង្កឱ្យរដូវមកមិនទៀងជាហេតុពិបាកក្នុងការមានកូន
ឈើអែមជួយឱ្យវដ្តរដូវស្ត្រីដើរទៀង
ចំពោះវិធីញ៉ាំ សូមឆុងលាយជាមួយទឹកក្ដៅអ៊ុនៗហើយញ៉ាំជារៀងរាល់ព្រឹកដើម្បីទទួលបានប្រសិទ្ធិភាព
ការមករដូវកាន់តែទៀងធ្វើឱ្យឱកាសនៃការមានកូនកាន់តែខ្ពស់។

ប្រភព៖www.verywellfamily.com