មូលហេតុទាំងនេះហើយ បង្កឱ្យស្រ្តីសម្រាលកូនមុនខែកំណត់!!!

ការសម្រាលកូនមុនខែកំណត់ គឺជាការសម្រាលទារកនៅមុន៣៧សប្ដាហ៍នៃការពរពោះ។ សរីរាង្គមួយចំនួនរបស់ទារកក្នុងផ្ទៃនៅអាយុមុន៣៧សប្ដាហ៍ ត្រូវបានបង្កើតឡើងរួចហើយក៏ពិតមែន តែដំណើរការនៃសរីរាង្គទាំងនោះអាចមិនទាន់លូតលាស់បានពេញលេញដែលទាមទារឱ្យមានការថែទាំយ៉ាងដិតដល់នៅក្រោយសម្រាល ឫ តម្រូវឱ្យស្នាក់នៅក្នុងពេទ្យរយៈពេលយូរជាងធម្មតា។

គ្រោះថ្នាក់ដែលបង្កឱ្យស្ត្រីសម្រាលកូនមុនខែកំណត់

• កត្តាម្ដាយ
  • អាយុម្ដាយ
    • ស្រ្តីពរពោះកូនដំបូងនៅអាយុក្រោម១៨ឆ្នាំ ឫ លើសពី៣៥ឆ្នាំ សុទ្ធតែអាចធ្វើឱ្យស្រ្តីប្រឈមនឹងការសម្រាលកូនមុនខែ
  • ជំងឺប្រចាំកាយ
    • ស្រ្តីមានផ្ទុកជំងឺទឹកនោមផ្អែម ជំងឺលើសសម្ពាធឈាម ឫ ជំងឺសរសៃឈាមបេះដូងសុុទ្ធតែអាចធ្វើឱ្យស្រ្តីប្រឈមនឹងការសម្រាលកូនមុនខែ
    • មានប្រវត្តិធ្លាប់ឆ្លងទន្លេមុនខែ អាចធ្វើឱ្យស្រ្តីប្រឈមនឹងការឆ្លងទន្លេមុនខែពេលពរពោះលើកក្រោយ
    • ប្រវត្តិធ្លាប់មានស្បូនរីកពេក (ធ្លាប់ពរពោះកូនភ្លោះ ឫ លើសទឹកភ្លោះ)
    • មាត់ស្បូនខុសប្រក្រតី ដូចជាប្រវែងកស្បូនខ្លីពេកជាដើម
    • ឆ្លងមេរោគ ដូចជាមេរោគលើប្រព័ន្ធបង្ហូរនោមអាចធ្វើឱ្យស្រ្តីប្រឈមនឹងការសម្រាលកូនមុនខែ
    • រលាកអាងត្រគៀក
    • ជក់បារី ផឹកគ្រឿងស្រវឹង ប្រើថ្នាំខុសច្បាប់ក្នុងពេលពរពោះ
    • រលាកអញ្ចាញធ្មេញ ឫ ដង្កូវស៊ីធ្មេញ

ទារកមានផ្ទុកក្រូម៉ូសូមខុសប្រក្រតី ឫ ទារកក្នុងផ្ទៃឆ្លងមេរោគអាចធ្វើឱ្យស្រ្តីប្រឈមនឹងការសម្រាលកូនមុនខែ។

សញ្ញាអាសន្ននៃការសម្រាលកូនមុនខែ

• ចុករោយចង្កេះរ៉ាំរ៉ៃ ឫ ឱស្សាហ៍ចុករោយចង្កេះទោះបីជាផ្លាស់ប្ដូរទម្លាប់ប្រចាំថ្ងៃក៏ក្រោយ (ទម្លាប់អង្គុយ ឈរ ឫ គេង)
• កន្ត្រាក់ស្បូនលើសពី៤ដងក្នុងរយៈពេល២០នាទី ឫ កន្ត្រាក់បាត់ៗ
• ធ្លាក់ស ឫ ធ្លាក់ឈាមតាមទ្វារមាស
• ទារកក្នុងផ្ទៃមិនសូវមានសកម្មភាព
• ហើម និងលើសសម្ពាធឈាម (អាចជាសញ្ញានៃវិបត្តិបម្រុងក្រឡាភ្លើង)។

ប្រភព៖www.bangkokhospital.com