មិនអស់លុយទេ! វិធីងាយៗក្នុងការកាត់បន្ថយក្រហាយក្រពះក្នុងអំឡុងពេលមានផ្ទៃពោះ

ចុកឆ្អល់ក្រពះជាអាការៈដែលធ្វើឱ្យស្រ្តីមានគក៌មានអារម្មណ៍ថាក្រហាយនៅតាមបណ្ដោយផ្លូវអាហារ​​ បំពង់ក និងដើមទ្រូងជាដើម។ បញ្ហាចុកឆ្អល់ចុងដង្ហើមជាវិបត្តិដែលឧស្សាហ៍កើតមានឡើងក្នុងអំឡុងពេលផ្ទៃពោះ។ អរម៉ូនក្នុងអំឡុងពេលមានគក៌ធ្វើឱ្យកក្រពះរលារដែលធ្វើឱ្យអាស៊ីដក្នុងក្រពះច្រាល់ឡើងមកតាមបណ្ដោយបំពង់អាហារដែលកត្តានេះហើយធ្វើឱ្យស្រ្តីមានបញ្ហាចុកឆ្អល់នេះ។

វិបត្តិនេះកាន់តែយ៉ាប់ទៅៗនៅត្រីមាសទី៣នៃការមានផ្ទៃពោះ ដោយសារតែស្បូនកាន់់តែរីកធំសង្កត់លើក្រពះ។

ដើម្បីកាត់បន្ថយ ស្រ្តីមានផ្ទៃពោះអាច៖

• ផ្អាកញ៉ាំអាហារ និងភេសជ្ជៈដែលធ្វើឱ្យស្រ្តីឧស្សាហ៍ចុកឆ្អល់ដូចជា អាហារជូរៗ ហឹរ ខ្លាញ់ (បំពង ឫ ចៀន) អាហារមានជាតិកាហ្វេអុីន(សូកូឡា កាហ្វេ) និងភេសជ្ជៈប៉ូវកំលាំង
• ញ៉ាំតិចៗតែច្រើនដងក្នុងមួយថ្ងៃ
• ញ៉ាំទឹកមុន ឫ ក្រោយបាយ (មិនគួរញ៉ាំក្នុងអំឡុងពេលបាយ)
• កុំញ៉ាំអាហារមុនគេង៣ម៉ោង
• កល់ខ្នើយឱ្យខ្ពស់ពេលគេង

ពិគ្រោះជាមួយគ្រូពេទ្យជំនាញលើការប្រើប្រាស់ឱសថព្យាបាលចុកឆ្អល់ក្រពះ។

ប្រភព៖kidshealth.org