មិនចង់ស្ដាយក្រោយ!!! ម៉ាក់ៗគួរតាមដានសុខភាពក្រោយសម្រាលរួច

ពិតណាស់! ក្រោយសម្រាលកូនរួច ទារកជាជម្រើសទី១ដែលអ្នកត្រូវថែឱ្យបានដិតដល់​។ តែក្នុងនោះដែរ ម៉ាក់ៗក៏គួរតាមដានសុខភាពនៅក្រោយសម្រាលរួចផងដែរ ពិសេសនៅអំឡុងសប្ដាហ៍ទី៤ ទៅ សប្ដាហ៍ទី៦ ក្រោយសម្រាលធម្មជាតិរួច ហើយចំពោះម៉ាក់ៗដែលសម្រាលដោយការវះកាត់ គ្រូពេទ្យជំនាញអាចនឹងណែនាំឱ្យម៉ាក់ៗមកពិនិត្យ និងតាមដានសុខភាពលឿនជាងនេះ។

ការពិនិត្យសុខភាពក្រោយសម្រាលជាការតាមដានសុខភាពលើរាងកាយស្រ្តីថាបានជាសះស្បើយពីមុខរបួសក្នុងអំឡុងពេលសម្រាលរួចហើយឫនៅ។

គ្រូពេទ្យគាត់នឹងពិនិត្យលើ៖

• ទម្ងន់
• សម្ពាធឈាម
• សរីរាង្គក្នុងពោះ
• និងសុដន់ស្រ្តី។

បន្ថែមពីលើនេះ គ្រូពេទ្យគាត់នឹងពិនិត្យលើ ទ្វារមាស មាត់ស្បូន និងស្បូនថាសរីរាង្គទាំងនេះវិលត្រឡប់មកសភាពធម្មតាឫនៅ។

បើក្នុងករណីមានអ្វីមិនប្រក្រតី ស្រ្តីនឹងទទួលបានការពិនិត្យទាន់ពេលវេលា។

ប្រភព៖www.parenthelp123.org