បំបៅដោះកូនរាល់ដង ស្រ្តីធ្វើយ៉ាងណាដឹងថាកូនបៅឆ្អែត

ជាទូទៅ ទារកអាយុក្រោម២ខែអាចនឹងបៅចន្លោះពី៨ទៅ១២ដងក្នុងមួយថ្ងៃក្នុងអំឡុងពេល១សប្ដាហ៍ដំបូង។ ម៉ាក់ៗអាចបំបៅអូនចន្លោះពី ១០ ទៅ ១៥ នាទីក្នុងសុដន់ម្ខាង។

ម៉ាក់ សូមព្យាយាមបំបៅឱ្យអស់ពីម្ខាងសិន សឹមផ្លាស់ប្ដូរទៅម្ខាងទៀត។

ការបំបៅកូនដោយទឹកដោះម្ដាយគួរតែអាចស្រ័យតាមតម្រូវការនៃការឃ្លានរបស់ទារក ដែលជាទូទៅចន្លោះពី ១ ទៅ ៣ ម៉ោងម្ដង។ នៅពេលទារកអាយុកាន់តែកើន ការបៅញឹកញាប់នឹងថយចុះដោយឯកឯង។ ចំពោះទារកបៅរូបមន្តទឹកដោះម្សៅ អាចមុឹមម្ដង ២ ទៅ ៣ លេខរៀងរាល់ ២ ទៅ ៤ ម៉ោងម្ដង។

សូមកុំពន្យាររហូតដល់៤ទៅ៥ម៉ោងម្ដង សឹមធ្វើការបំបៅទារក។

សញ្ញាបញ្ជាក់ថាទារកឃ្លាន៖

• ប្រែក្បាលពីម្ខាងទៅម្ខាង
• បើក ឫ ហារមាត់
• លៀនអណ្ដាត
• ទាញដៃ និងជើងដាក់ក្នុងមាត់
• បបូរមាត់ប្រែជាចង់ជញ្ជក់
• ត្រដូសជុំវិញសុដន់ម្ដាយ
• យំ។

ធ្វើយ៉ាងណាទើបដឹងថាកូនបៅឆ្អែត?

សញ្ញាបញ្ជាក់់ថាទារកបៅឆ្អែត៖

• មើលទៅទារកឆ្អែត
• សើមខោទឹកនោមចន្លោះពី ៦ ទៅ ៨ខោក្នុងមួយថ្ងៃ
• បត់ជើងធំទៀងទាត់
• គេងលក់ស្កប់ស្កល់
• ឡើងគីឡូ

ទារកដែលយំ​ រករឿង ឃ្លានទោះបំបៅរួចហើយក៏ពិតមែន ហើយខោទឹកនោមសើមតិចជាង៦ខោ អាចនឹងបៅមិនឆ្អែត។ ទារកភាគច្រើនអាចនឹងមានក្អែរតិចតួចនៅក្រោយបៅរួច ឫ អំឡុងពេលត្អើក។ ការក្អួតនៅក្រោយពេលបៅរួច (ក្អួតទាំងកម្រោល) អាចជាសញ្ញានៃការអាលែកហ្ស៊ី បញ្ហាប្រព័ន្ធរំលាយអាហារ ឫ បញ្ហាសុខភាពណាមួយ។ ប្រសិនអាណាព្យាបាលបារម្ភថាទារកក្អែរច្រើនពេក សូមនាំទារកទៅជួបពិគ្រោះជាមួយគ្រូពេទ្យជំនាញ។

ប្រភព៖kidshealth.org