ធ្វើយ៉ាងណាទើបជួយឱ្យក្មេងឆាប់ចេះនិយាយ

- បី និងមើលភ្នែកទារកនៅពេលអ្នកនិយាយរកគេ។ ទារកចូលចិត្តមើលមុខ និងចូលចិត្តសម្លេងប៉ាម៉ាក់
- និយាយអំពីដំណើរការក្នុងបៅ ការប្ដូរខោទឹកនោម និងងូតទឹកឱ្យគេស្ដាប់
- ច្រៀងឱ្យទារកស្ដាប់ – ជួយដល់ចង្វាក់ និងចំណង់ភាសារបស់ទារក
- ធ្វើត្រាប់តាមសម្លេងដែលទារកស្រែក វាជួយដល់ការបង្រៀនទារកអំពីការស្ដាប់ និងការទម្លាប់នឹងការសន្ទនា
- និយាយដូចការច្រៀងចម្រៀងណាមួយ ដែលវាជួយដល់ការចាប់អារម្មណ៍របស់ទារក។

ហៅឈ្មោះ និងចង្អុលលើអ្វីមួយដែលអ្នក និងទារកអាចឃើញ ដូចជា “នោះឆ្មារហ៎កូន” ។ ការធ្វើបែបនេះជួយឱ្យទារករៀនពីពាក្យ និងចេះធ្វើត្រាប់ ឫ និយាយតាមអ្នក។ នៅពេលដែលទារកកាន់តែធំ អ្នកអាចសង្កត់អត្ថន័យកាន់តែច្បាស់ ដូចជានោះ “ឆ្មារខ្មៅហ៎កូន”
ចាប់ផ្ដើមអានសៀវភៅជាមួយកូនអ្នក អ្នកមិនចាំបាច់អានអក្សរទាំងមូលលើទំព័រនោះទេ គ្រាន់តែនិយាយអ្វីដែលអ្នកឃើញលើសៀវភៅ
ផ្ដល់ជ័រក្បាលដោះឱ្យទារកជញ្ជក់តែពេលគេងបានហើយ។ ការឱ្យទារកជញ្ជក់ក្បាលដោះជ័រ អាចធ្វើឱ្យទារកពិបាកចេះនិយាយ។ អាណាព្យាបាលគួរបញ្ឈប់ការជញ្ជក់នេះនៅអាយុ១២ខែ។

ប្រសិនជាក្មេងព្យាយាមនិយាយពាក្យណាមួយតែនិយាយមិនត្រូវ អ្នកអាចនិយាយពាក្យត្រូវដល់គេ។ ឧ. ក្មេចង្អុល និងនិយាយពាក្យឆ្មារថា “ម៉ា” អ្នកអាចតបទៅក្មេងថា “បាទ/ចាស នឹងគឺឆ្មារ”។ គួរកុំុំចម្អន់ ឫ ថាឱ្យក្មេងពេលគេនិយាយខុសពាក្យ
បង្កើនការចេះពាក្យណាមួយលើកុមារដោយការផ្ដល់ជម្រើសដូចជា “កូនចង់បានប៉ោម ឫ ចេក? ”
ឧបករណ៍ក្មេងលេង និងសៀវភៅមានសម្លេងជួយដល់ការចេះនិយាយបានលឿន
ច្រៀងបទកូនក្មេង និងច្រៀងជាមួយពួកគេដែលវាជួយឱ្យក្មេងឆាប់ចេះនិយាយពាក្យថ្មីៗ។

និយាយឃ្លាដដែលៗដូចជា ស្បែកជើងកូននៅណា? កូនពាក់ស្បែកជើងពណ៌ខៀវ ឫ ពណ៌ផ្កាឈូក? តោះ! ពាក់ស្បែកជើង….ការនិយាយឃ្លាសាមញ្ញបែបនេះដដែលៗជួយឱ្យកុមារឆាប់ចាប់ពាក្យ និងឆាប់ចេះនិយាយ
ប្រើឃ្លាខ្លីៗងាយយល់ដូចជា ពាក់អាវទៅកូន..បិតទ្វារផងកូន…
ព្យាយាមសួរសំណួរ “ណាទៅ”…ឱ្យកូនអ្នកចង្អុលទៅ ច្រមុះ ភ្នែក ត្រចៀក -ល-
កាត់បន្ថយការមើលទូរស័ព្ទ ឫ ឧបករណ៍អេឡិចត្រូនិចដទៃទៀត។

បង្រៀនឃ្លាវែងៗ៖ កូនអ្នកអាចចាប់ផ្ដើមនិយាយជាមួយឃ្លាងាយៗចូលគ្នានៅអាយុ២ឆ្នាំ។ អ្នកអាចទម្លាប់និយាយឃ្លាវែងៗចូលគ្នាដូចជា នៅពេលក្មេងនិយាយថាដោះស្បែកជើងចេញ អ្នកអាចនិយាយឃ្លានេះម្ដងទៀត ដូចជា បាទ/ចាស តោះ!យើងដោះស្បែកជើងចេញ
បង្កើនចំណាប់អារម្មណ៍ដោយការហៅឈ្មោះក្មេងនៅមុនចាប់ផ្ដើមប្រយោគណាមួយ។ ប្រសិនបើអ្នកសួរគេ សូមទុកពេលឱ្យគេឆ្លើយសំនួរអ្នក។

ប្រភព៖www.nhs.uk