ទារកទើបនឹងកើត ស្បែកឡើងលឿង! ស្វែងយល់ទាំងអស់គ្នា ពីមូលហេតុ និងដំណោះស្រាយ!

ស្បែកទារកឡើងលឿង (ខាន់លឿង) ជាវិបត្តិមួយដែលប៉ាម៉ាក់តែងតែព្រួយបារម្ភ ព្រោះមិនដឹងថា វាអាចបង្កជាបញ្ហាអ្វីដល់សុខភាពទារក ឫ អត់។ វិបត្តិនេះ ជាបញ្ហាដែលឱស្សាហ៍ឃើញកើតមានលើទារកតូចៗ ពិសេសទារកទើបនឹងកើតថ្មីថ្មោង ដែលភាគច្រើនកម្របង្កជាបញ្ហាធ្ងន់ធ្ងរ និងងាយបាត់ទៅវិញ។

អ្វីទៅជាវិបត្តិខាន់លឿងលើទារកទើបនឹងកើត?

វិបត្តិខាន់លឿង ជាវិបត្តិដែលស្បែកទារកប្រែក្លាយជាពណ៌លឿងទុំ (ឫ ​ពណ៌រមៀត) ដែលវាបណ្ដាលពីការប្រមូលផ្ដុំនៃសារជាតិក្នុងរាងកាយដែលមានឈ្មោះថា “ប៊ីលីរ៉ូប៊ីន” ។ នៅពេលដែលកោសិកាគ្រាប់ឈាមបំបែកខ្លួន វាបញ្ចេញនូវជាតិប៊ីលីរ៉ូប៊ីន ហើយថ្លើមធ្វើការបញ្ចេញចោល។ តែចំពោះទារកទើបនឹងកើត ថ្លើមមិនទាន់លូតលាស់ពេញលេញ ទាំងស្រុងដែលធ្វើឱ្យ ថ្លើមធ្វើការបញ្ចេញនូវជាតិប៊ីលីរ៉ូប៊ីននេះ បានយឺត។

ស្ទើរតែពាក់កណ្ដាលនៃទារកទើបនឹងកើត មានបញ្ហាស្បែកឡើងលឿង ដែលវាជាបញ្ហាធម្មតា ព្រមទាំងអាចបាត់ទៅវិញក្នុងរយៈពេល ២ ទៅ ៣ សប្ដាហ៍ក្រោយទារកកើត។

មូលហេតុដែលធ្វើឱ្យស្បែកក្មេងឡើងលឿង

• បង្កដោយមេរោគបាក់តេរី ឫ មេរោគវីរុស
• ទារកកើតមុនខែកំណត់ (មុខ 37 សប្ដាហ៍)
• បញ្ហាឈាម ដូចជាកោសិកាគ្រាប់ឈាមមួយចំនួនចុះតូច និងស្ដើង (spherocytosis) កោសិកាគ្រាប់ឈាមក្រហមមានភាពមិនប្រក្រតី
• ប្រភេទឈាមម្ដាយ និងកូនមិនត្រូវគ្នា
• មិនទទួលបានទឹកដោះម្ដាយ ឫ ទឹកដោះគោគ្រប់គ្រាន់ដើម្បីបញ្ចេញជាតិប៊ីលីរ៉ូប៊ីដែលលើស
• បញ្ហាថ្លើម។

សញ្ញានៃស្បែកទារកឡើងលឿង

• ស្បែក​ និងភ្នែកឡើងលឿង
• ផ្ដើមលឿងពីមុខ រហូតដល់ទ្រូង ដៃ និងជើង (ជាតិប៊ីលីរ៉ូប៊ីនកើនឡើងក្នុងរាងកាយ)
• ទារកឧស្សាហ៍ងងុយគេង ឫ ពិបាកដាស់
• ពិបាកជញ្ជក់ និងអាចស្រកទំងន់
• ករណីកម្រ លាមកទារកប្រែទៅជាពណ៌សាច់ឡេ ឫ ពណ៌ខ្សាច់
• ទឹកនោមប្រែជាពណ៌លឿងចាស់។

ដំណោះស្រាយ៖

• បំបៅទឹកដោះម្ដាយ ឫ ទឹកដោះគោឱ្យបានគ្រប់គ្រាន់ ជួយដល់ការបញ្ចេញជាតិប៊ីលីរ៉ូប៊ីពីរាងកាយក្មេង
• ព្យាបាលដោយប្រើពន្លឺ UV (phototherapy) ដូចជា light therapy, specifically blue-green light (ដែលជួយដល់ការបំបែកជាតិប៊ីលីរ៉ូប៊ីនបានល្អប្រសើរ)

ក្នុងករណីលោកប៉ាអ្នកម៉ាក់សង្ស័យ ឫ សង្កេតឃើញសញ្ញាណាមួយគួរឱ្យកត់សម្គាល់ សូមនាំទារកទៅជួបគ្រូពេទ្យជំនាញ។

ប្រភព៖www.parents.com