ញ៉ាំអ្វីដើម្បីអោយកូនកើតមកឆ្លាតវ័យ?

ជាធម្មជាតិរបស់ប៉ាម៉ាក់គឺមានបំណង់ប្រាថ្នាចង់បានបុត្រដែលមានសុខភាពល្អ និងមានភាពឆ្លាតវៃ។ ភាពឈ្លាសវៃរបស់កូនមានទំនាក់ទំនង់នឹងកត្តាជាច្រើនដូចជា ហ្សែនប៉ាម៉ាក់ ការហ្វឹកហាត់ អាហារូបត្ថម្ភ និងមជ្ឃដ្ឋានជុំវិញ។ តាមពិត ខួរក្បាលរបស់ក្មេងលូតលាស់តាំងពីក្នុងពោះម្ដាយមកម្លេះ។ ក្នុងនោះ អាហារមួយចំនួនដែលម៉ាក់ៗញ៉ាំទៅជួយដល់ការលូតលាស់ខួរក្បាលកូនអោយបានប្រសើររួមមាន

ត្រី ជាតិ Omega 3 នៅក្នុងសាច់ត្រីជួយដល់ការលូតលាស់ខួរក្បាលទារកក្នុងផ្ទៃ។ ខួរក្បាលទារកលូតលាស់តាំងពីត្រីមាសទី ៣នៃការមានផ្ទៃពោះ។ ត្រីដែលមានផ្ទុក Omega 3 មានដូចជា ត្រីសាម៉ុន​ ត្រីធូណា Sardine និងត្រីHerring ។ អ្នកគួរញ៉ាំត្រីឆ្អិនអោយបាន ២ ទៅ ៣ដងក្នុងមួយសប្ដាហ៍។

បន្លែបៃតង បន្លែបៃតងសម្បូរដោយវីតាមីនក្រុម B  និងជាតិរ៉ែដែលជួយការការរីកលូតលាស់របស់ខួរក្បាលទារកក្នុងផ្ទៃ។

ស្ពៃ ប្រូខូលី ទំពាំងបារាំង មានផ្ទុកហ្វូឡិចអាស៊ីតដែលជួយការពារដល់ការលូតលាស់ខួរក្បាលរបស់កូនអ្នក។ ចំពោះទារក វាកាត់បន្ថយហានិភ័យពីជម្ងឺពកឆ្អឹងខ្នង ឆែបមាត់ និងជម្ងឺបម្រុងក្រឡាភ្លើងរបស់ម្ដាយ។

ស៊ុត ស៊ុតឆ្អិនគឺល្អបំផុតសម្រាប់សុខភាពស្ត្រីក្នុងពេលមានផ្ទៃពោះ។ ផ្នែកក្រហមរបស់ស៊ុតមានអាស៊ីតខ្លាញ់ដែលល្អ និងជាតិកូលីន(Choline) ដែលជួយដល់ការរីកលូតលាស់ខួរក្បាលរបស់ទារកបានល្អ និងពង្រឹងការចងចាំបានល្អនៅពេលគេធំឡើង។

ធញ្ញជាតិ ស្ត្រីមានផ្ទៃពោះអាចញ៉ាំធញ្ញជាតិជាប្រភេទអាហារសម្រន់។ វាមានផ្ទុកម៉ាញេស្យូម ស័ង្កសី វីតាមីន E ប្រូតេអ៊ីន និង Omega 3។ ប្រភេទធញ្ញជាតិមានដូចជាគ្រាប់អាល់ម៉ុន គ្រាប់ឈូករ័ត្ន គ្រាប់ស្វាយច័ន្ទី គ្រាប់ល្ពៅ។ល។

សណ្ដែក ជាតិដែកមាននាទីសំខាន់ក្នុងការដឹកជញ្ជូនអ៊ុកស៊ីហ្សែនទៅកាន់កោសិកានៅក្នុងងខួរក្បាល។ សណ្ដែកមានផ្ទុកជាតិដែកក្នុងបរិមាណមួយដែលល្អចំពោះស្ត្រីមានផ្ទៃពោះ។

ទឹកដោះគោសម្រាប់ស្ត្រីមានផ្ទៃពោះ ទឹកដោះគោសម្រាប់ស្ត្រីមានផ្ទៃពោះត្រូវបានផលិតឡើងជាពិសេសសម្រាប់ជួយគាំទ្រដល់សុខភាពស្ត្រីក្នុងពេលមានផ្ទៃពោះ និងទារកក្នុងផ្ទៃ។ កង្វះសារជាតិចិញ្ចឹមអាចធ្វើអោយទារកលូតលាស់យឺត និងប៉ះពាល់ដល់ការសមត្ថភាពការរៀនសូត្ររបស់គេទៅថ្ងៃមុខ។

ស្ត្រីគួរជ្រើសរើសទឹកដោះគោដែលមានជាតិ DHA Taurine Choline និងជាតិដែកគ្រប់គ្រាន់។

អាហារខាងលើសុទ្ធតែជាប្រភពល្អនៃសារជាតិចិញ្ចឹមសម្រាប់សុខភាពស្ត្រីព្រមទាំងការលូតលាស់កូនក្នុងផ្ទៃ។ ស្ត្រីគួរចម្អិនអោយបានល្អ និងលាងទឹកអោយបានស្អាតមុនពេលទទួលទានដើម្បីជៀសផុតពីការចម្លងនៃបាក់តេរី និងបារ៉ាស៊ីត។

ប្រភព៖parenting.firstcry.comcordlife.co.id