ឆែកសុខភាពមុនរៀបការ៖​ ជាអ្វីដែលគូស្វាមីមិនគួរមើលរំលង

រៀបការមានកូនជារឿងធម្មជាតិនៃមនុស្សជាតិស្ទើរគ្រប់រូប។ ដើម្បីមានកូនប្រកបដោយសុខភាពល្អ គូស្វាមីគួរធ្វើការឆែកសុខភាពតាំងពីមុនពេលរៀបការ/យកកូន។ ការឆែកសុខភាពមុនពេលមានគក៌ជួយឱ្យគូស្វាមីអាចដឹងពីជំងឺ និងវិបត្តិជាច្រើនដូចជា ជំងឺតំណរពូជ ជំងឺរ៉ាំរ៉ៃ និងជំងឺឆ្លងជាដើម។

 តេស្ដអ្វីខ្លះដែលលោកអ្នកគួរឆែកមុនពេលរៀបការ/យកកូន?

1. ការវាយតម្លៃលើសុខភាពទូទៅ

ការពិនិត្យសុខភាពទូទៅជួយឱ្យអ្នកអាចដឹងពីសុខភាពទូទៅរបស់អ្នក និងដៃគូអ្នក។ ការពិនិត្យសុខភាពទូទៅនេះរួមមាន ទំងន់ កម្ពស់ សម្ពាធឈាម ផ្លូវដង្ហើម ប្រព័ន្ធឈាម-បេះដូង សុដន់ និងពិនិត្យសរីរាង្គក្នុងពោះ។

2. ពិនិត្យឈាម

ការពិនិត្យនេះរួមមាន៖

• ពិនិត្យក្រុមឈាម
  • វិបត្តិស្លេកស្លាំង
  • ជំងឺរលាកថ្លើម
  • ទឹកនោមផ្អែម លើសសម្ពាធឈាម វិបត្តិក្រពេញទីរ៉ូអុីត (មានជំងឺទាំងអស់នេះ អាចបង្កឱ្យស្រ្តីនិងទារកក្នុងផ្ទៃប្រឈមនឹងគ្រោះថ្នាក់ខ្ពស់ និងឈានដល់ការបាត់បង់អាយុជីវិត)
  • ជំងឺតណរពូជ ដូចជាជំងឺ thalassemia–វិបត្តិលើប្រព័ន្ធឈាមដែលធ្វើឱ្យរាងកាយផលិតហេម៉ូគ្លូប៊ីន មិនបានគ្រប់គ្រាន់ ឫ ហេម៉ូគ្លូប៊ីនខុសប្រក្រតី។ វិបត្តិនេះអាចតរដល់កូនក្នុងផ្ទៃ ករណីប៉ាម៉ាក់មានផ្ទុកជំងឺនេះ។

3. ពិនិត្យលើប្រព័ន្ធបន្តពូជស្រ្តី

ការពិនិត្យលើប្រព័ន្ធបន្តពូជស្រ្តីអាចឱ្យស្រ្តីដឹងអំពីលក្ខខណ្ឌសុខភាពមួយចំនួនដូចជា៖

• ពិនិត្យលើដុំសាច់ស្បូន (មានដុំសាច់ស្បូនអាចបង្កឱ្យស្រ្តីប្រឈមនឹងអត្រាគ្មានកូន)
• អេកូស្បូនជួយឱ្យអ្នកដឹងអំពីទ្រង់ទ្រាយស្បូន មាត់ស្បូន ទ្វារមាស ដៃស្បូន និងក្រពេញអូវ៉ារី (ករណីមានបញ្ហាអាចធ្វើឱ្យស្រ្តីពិបាកមានកូន)។

ប្រភព៖www.bangkokhospital.com