កូនខ្លាចសាលា ធ្វើយ៉ាងណាទើបអាចដោះស្រាយបាន!

ខ្លាចសាលា ឫ មិនចង់ទៅសាលាជាបញ្ហាដែលងាយនឹងកើតមានឡើងលើក្មេងតូចៗដែលទើបនឹងចាប់ផ្ដើមចូលរៀនដំបូង ឫ លើកុមារដែលរងភាពអវិជ្ជមានណាមួយក្នុងសាលាដែលធ្វើឱ្យពួកគេមានមិនចង់ទៅសាលា និងមានអារម្មណ៍ថាភ័យរាល់ពេលទៅសាលាម្ដងៗ។

សញ្ញាបង្ហាញថាក្មេងខ្លាចសាលា៖

• ក្មេងរអ៊ូពីសញ្ញាផ្សេងដូចជា ឈឺក្បាល ឈឺពោះមុនទៅសាលាម្ដងៗ តែបាត់ឈឺពេលបាននៅផ្ទះ
• ក្មេងមិនចង់ចាកចេញពីអ្នកផ្ទះដោយសារមានបញ្ហាដូចជា៖
  • សាលាថ្មី
  • ទើបផ្លាស់ប្ដូរទីលំនៅ
  • ទើបមានប្អូន
  • អ្នកផ្ទះឈឺ
  • ប៉ាម៉ាក់ចែកផ្លូវគ្នាជាដើម។

កត្តាអ្វីខ្លះ ធ្វើឱ្យក្មេងមិនចូលចិត្តសាលា?

• កុមារតូចៗទៅរៀនលើកដំបូង
• មិនចង់ចាកចេញពីម៉ាក់ប៉ា
• មានអ្នកវាយធ្វើបាប ឫ បង្ដុះបង្អាប់នៅសាលា (អាចជាមិត្តភក្ដិ ឫ គ្រូ)
• មិនទាន់ស្គាល់សាលា ឫ សាលាមើលទៅគួរឱ្យខ្លាច
• រៀនខ្សោយ ឫ រៀនមិនពូកែ
• ឧស្សាហ៍ដូរសាលា
• ស្ដាយអ្វីមួយនៅផ្ទះ។

គន្លឹះជួយសម្រួលការមិនចូលចិត្តសាលារបស់កុមារ

ក្មេងនីមួយៗមានអត្តចរិកមិនដូចគ្នាទេ អាណាព្យាបាលអាចសាកល្បងគន្លឹះកាត់បន្ថយការខ្លាចសាលាដូចខាងក្រោម៖

• រកហេតុផលដែលធ្វើឱ្យក្មេងមិនចង់ទៅរៀន (នៅនឹកតុក្តតា ឫ សត្វចិញ្ចឹម) អាណាព្យាបាលអាចដាក់តុក្កតា ឫ អ្វីដែលក្មេងស្រលាញ់តាមខ្លួនដើម្បីឱ្យកុមារស្ងប់ចិត្ត និងចង់ទៅសាលា
• លួង និងដោះស្រាយលើមូលហេតុដែលធ្វើឱ្យក្មេងមិនចង់ទៅសាលា
• សាកល្បងប្ដូរសាលា ឫ ថ្នាក់រៀនក៏អាចជួយបន្ថយអារម្មណ៍ខ្លាចសាលាដែរ
• ជជែកជាមួយខាងសាលាលើមូលហេតុដែលក្មេងខ្លាចសាលានោះ។

ប្រភព៖raisingchildren.net.auwww.stanfordchildrens.org