កូនខ្ញុំជុះមកលាមករាវទឹកៗ តើគាត់មានបញ្ហាអ្វីទេ?

ការផ្លាស់ប្ដូរខោទឹកនោមកូនជាច្រើនដងក្នុងមួយថ្ងៃ ជាអ្វីដែលអាណាព្យាបាលអាចកត់ចំណាំលើសុខភាពប្រព័ន្ធរំលាយអាហាររបស់កូន។ នៅពេលដែលអាណាព្យាបាលសង្កេតឃើញ៖

• លាមកកូនរាវខុសពីធម្មតា
• បរិមាណលាមកច្រើនខុសពីធម្មតា
• ឫ ជុះញឹកញាប់រហូតដល់១២ដងក្នុងមួយថ្ងៃ
• អាចមានក្ដៅខ្លួន
• លាមកអាចមានឈាម ឫ សម្បោរ
• ក្អួត ឫ ចង្អោរ
• នោះអាចជាសញ្ញានៃការរាករូស។

មានហេតុផលជាច្រើនដែលអាចបង្កឱ្យកុមារមានបញ្ហារាករូស ដូចជា៖

• ឆ្លងមេរោគចូលក្នុងប្រព័ន្ធរំលាយអាហារ
• ដុះធ្មេញ (ទឹកមាត់ចេញច្រើន)
• ប្រតិកម្មជាមួយទឹកដោះ ជាដើម។

វិធីសាស្រ្តក្នុងការថែទាំក្មេងមានបញ្ហារាករូស

• ឧស្សាហ៍ផ្លាស់ប្ដូរខោទឹកនោម
• លាបគ្រីមព្យាបាល/ការពារ រោលខោទឹកនោម
• ទុកឱ្យគូថក្មេងស្ងួតសិនសឹមស្លៀកខោទឹកនោម
• ក្នុងករណីដែលកុមារញ៉ាំទឹកដោះគោហើយរាក អ្នកអាចប្ដូរមកទឹកដោះគោបំបាត់់រាក (Lactose Free Formula) សិន រហូតដល់លែងរាកសឹមប្ដូរឱ្យញ៉ាំទឹកដោះគោធម្មតាវិញ។

ប្រសិនជាអ្នកសង្កេតឃើញក្មេងជុះមកលាមករាវខ្លាំង កូនអាចបាត់បង់ជាតិទឹកច្រើន។

សញ្ញាដែលបង្ហាញថាក្មេងបាត់បង់ជាតិទឹកច្រើន

• ស្ងួតភ្នែក និងយំគ្មានទឹកភ្នែក
• ល្ហិតល្ហៃ
• មួរម៉ៅច្រើន
• ខូងភ្នែក
• ប្រហើយក្បាយផត

សូមបំបៅទឹកដោះ និងជាតិទឹកឱ្យបានគ្រប់គ្រាន់ និងញឹកញាប់។

ក្នុងករណីដែលអ្នកសង្ស័យ និងមិនច្បាស់ពីរោគសញ្ញាសូមនាំក្មេងទៅជួបពិគ្រោះជាមួយគ្រូពេទ្យជំនាញ។

ប្រភព៖www.healthychildren.org