កូនខ្ញុំចេះតែស្រែកយំពេលយប់ញឹកញាប់៖ តើគួរធ្វើយ៉ាងណា?

ហេតុអ្វីកូនខ្ញុំស្រែកយំពេលយប់?

ការគេងមានសារៈសំខាន់ខ្លាំងសម្រាប់ការលូតលាស់ប្រចាំថ្ងៃ ដោយវាជួយឱ្យខួរក្បាលក្មេងដំណើរការនូវព័ត៌មានថ្មីៗ។ តាមការសិក្សាបានបង្ហាញថា ក្មេងដែលគេងបានគ្រប់គ្រាន់ជួយដល់ការលូតលាស់ផ្នែកបញ្ញាស្មារតី និងផ្លូវអាម្មណ៍របស់ពួកគេ។

ចុះហេតុផលអ្វីខ្លះ ដែលធ្វើឱ្យក្មេងពិបាកគេង និងឱស្សាហ៍ស្រែកយំពេលគេងម្ដងៗ?

ក្មេងយំយប់ អាចដោយសារ៖

ឈឺ

មានជម្ងឺផ្ដាសាយ
រលាកត្រជៀក
រងារ
ដុះធ្មេញ
ពិបាករំលាយអាហារ
ក្ដៅខ្លួន ឫ បញ្ហាផ្សេងទៀត

ដែលហេតុផលទាំងនេះហើយ អាចធ្វើឱ្យក្មេងពិបាកគេង និងយំយប់ញឹកញាប់។

រងារពេក ក្ដៅពេក ឫ រមាស់

ការជ្រើសរើសសម្លៀកបំពាក់ពេលយប់បានត្រឹមត្រូវ ជួយឱ្យក្មេងគេងបានស្កប់ស្កល់ និងមិនរករឿងពេលយប់។ សូមរក្សាសីតុណ្ហភាពបន្ទប់ឱ្យនៅត្រជាក់ល្មម និងមានភាពងងឹត។ សូមជ្រើសរើសសម្លៀកបំពាក់គេងយប់ ផ្អែកតាមចំណង់ចំណូលចិត្តក្មេង។ ក្មេងមួយចំនួនចូលចិត្តខោអាវគេងយប់បែបកក់ក្ដៅ តែក៏មានមួយចំនួនទៀតចូលចិត្តខោអាវគេងយប់បែបរលុងៗដូចជាអាវយឺត និងខោទ្រនាប់ជាដើម។

ខ្លាចងងឹត

ប្រសិនជាអាណាព្យាបាលចាប់ផ្ដើមសង្កេតឃើញក្មេងខ្លាចភាពងងឹត សូមធ្វើការប្រើប្រាស់អំពូលដែលមានពន្លឺរឹមៗ ឫ បើកទ្វារបន្ដិចដើម្បីឱ្យមានពន្លឺជះចូលក្នុងបន្ទប់។

ខ្លាចអ្វីមួយ

ក្មេងអាចនឹងឃើញអ្វីប្លែកៗតាមរយៈការលេងទូរស័ព្ទ ឫ ឧបករណ៍អេឡិចត្រូនិចផ្សេងៗ ដូចជា រឿងខ្មោច បិសាច សម្លេងដែលគួរឱ្យរន្ធត់ និងភាពងងឹតជាដើម។

ចង់លេង

ក្មេងមានការលូតលាស់លឿនឥតឧបមា ដែលធ្វើឱ្យក្មេងមួយចំនួនវិវត្តន៍ជាចូលចិត្តលេង ឫ ឆ្ងល់ពីអ្វីមួយ (ឧ. ស្វែងយល់ពីឧបករណ៍លេងដែលពួកគេមាន)។

ហេតុផលនេះ អាចជាកត្តាដែលធ្វើឱ្យគេមិនសូវងងុយគេងពេលយប់ និងយំរករឿងពេលអាណាព្យាបាលបបួលគេងម្ដងៗ។ ការស្វែងយល់ពីចំណង់ចំណូលចិត្តរបស់ពួកគេអាចជួយជម្រុញដល់ចំណង់គេងរបស់ក្មេង។
អាណាព្យាបាលអាចសាកសួរយោបល់លើ ការនិទានរឿងមួយនេះ ឫ មួយនោះ? ឫ កូនចង់ស្លៀកខោអាវគេងយប់ពណ៌ខៀវ ឫ ពណ៌ស្វាយ? ដែលនេះអាចជម្រុញដល់ចំណង់នៃការគេងរបស់ពួកគេ។

ដំណោះស្រាយ

រៀបចំបន្ទប់គេងឱ្យមានផាសុកភាព និងមានសុវត្ថិភាព៖ មិនក្ដៅពេក ឫ ត្រជាក់ពេក និងប្រើអំពូលភ្លើងបែបមានពន្លឺស្រាលដែលជម្រុញឱ្យក្មេងងងុយគេង និងចង់គេង។

រួចរាល់មុនពេលចូលគេង

សូមប្រាកដថាក្មេងបានចូលបន្ទប់ទឹករួចរាល់
ញ៉ាំទឹករួច (បរិមាណសមល្មម)
ស្ដាប់រឿងនិទានរួច
និងមានតុក្កតាដែលគេស្រលាញ់នៅជិតខ្លួនគេ។

កំណត់ការស្នើរសុំពីក្មេង

សូមប្រាកដថា អ្វីដែលគេចង់បាន អ្នកបានធ្វើឱ្យគេរួចរាល់មុនពេលចូលគេង
ប្រសិនក្មេងនៅបន្តស្នើរសុំអ្វីមួយ និងមិនព្រមចូលគេ ម៉ាក់ប៉ាអាចលួងគេ និងសន្យាថាយើងអាចធ្វើវាពេលកូនក្រោកពីគេង

បញ្ចៀសការលេងឧបករណ៍អេឡិចត្រូនិចមុនគេង (អាចលេងមួយ ឫ ពីរម៉ោងមុនគេង)

ក្មេងមានសកម្មភាពរាងកាយគ្រប់គ្រាន់ ជួយឱ្យក្មេងឆាប់គេងពេលយប់ និងមិនយំរករឿង។

ក្នុងករណីដែលក្មេងនៅតែបន្តយំយប់ក្នុងរយៈពេលយូរ អាណាព្យាបាលគួរនាំក្មេងទៅជួបពិគ្រោះជាមួយគ្រូពេទ្យជំនាញ។

ប្រភព៖www.healthline.com