កាត់បន្ថយទារកត្អើកញឹកញាប់ជាមួយគន្លឹះទាំងនេះ!!

មូលហេតុបង្កឱ្យក្មេងត្អើកញឹកញាប់

• លេបខ្យល់ច្រើន៖ ក្មេងបៅទឹកដោះអស់ហើយប៉ុន្ដែនៅជញ្ជក់ក្បាលដោះ/ដបលេង ដែលធ្វើឱ្យក្មេងលេបខ្យល់ច្រើនចូលក្នុងប្រព័ន្ធរំលាយអាហារ
• បៅច្រើនពេក ឫ បៅញាប់ពេក
• មានវិបត្តិលើសាច់ដុំកក្រពះបិតមិនជិតល្អ (GERD)
• ក្មេងសប្បាយពេក ឫ ភ័យពេក

កត្តាទាំងនេះហើយ ធ្វើឱ្យមានការរុញច្រានលើសាច់ដុំសន្ទះទ្រូងក្មេងដែលធ្វើឱ្យសាច់ដុំកន្ត្រាក់ ហើយបំពង់សម្លេងបិតភ្លាមៗ (រាងកាយអត់អាចបញ្ជាបាន)។ ចឹងនៅពេលក្មេងលេបខ្យល់ច្រើន ខ្យល់ដែលលើសនឹងបុកឡើងមកខាងក្រៅ ប៉ះនឹងបំពង់កក្មេងដែលកំពុងបិតនោះ ធ្វើឱ្យលេចសម្លេងត្អើកឡើង។

ជាទូទៅការបៅ ឫ បញ្ហាក្រពះ មិនមែនសុទ្ធតែធ្វើឱ្យក្មេងត្អើកទេ ការត្អើកអាចកើតដោយគ្មានមូលហេតុក៏អាចថាបាន។

ទារកត្អើកញឹកញាប់ អាចប៉ះពាល់ដល់សុខភាពទេ?

• ការត្អើកលើទារកតូចៗជាបញ្ហាធម្មតាដែលយើងសង្កេតឃើញកើតមានញឹកញាប់លើទារក ពិសេសទារកអាយុក្រោមមួយឆ្នាំ
• ភាគច្រើន មិនបង្កឱ្យមានផលប៉ះពាល់ដល់សុខភាពទារកទេ
• តែក្នុងករណី អាណាព្យាបាលសង្កេតឃើញ៖
  • • ទារកត្អើកញឹកញាប់ខ្លាំង និងមិនស្រួលខ្លួន
    • ជាកុមារអាយុ១ឆ្នាំឡើងហើយត្អើកញឹកញាប់
    • បង្កដោយជំងឺដូចជា វិបត្តិសាច់ដុំកក្រពះបិតមិនជិតល្អ (GERD)
    • ដែលក្នុងករណីទាំងនេះ អាណាព្យាបាលគួរនាំក្មេងទៅជួបពិគ្រោះ ឫ ឆែកសុខភាពជាមួយគ្រូពេទ្យជំនាញ ឱ្យបានទាន់ពេលវេលា។

ដំណោះស្រាយកាត់បន្ថយការក្អែរ

• ម៉ាស្សាខ្នងទារកជារាងរង្វង់ថ្នមៗដើម្បីកាត់បន្ថយខ្យល់ក្នុងពោះ និងបញ្ហាត្អើក
• បើទារកត្អើកក្នុងពេលបៅសូមបញ្ឈប់ការបំបៅ និងទុកពេលឱ្យទារកភើរខ្យល់ចេញមកខាងក្រៅ
• ឱ្យទារកបៅក្បាលដោះជ័រ ដោយចលនានៃការជញ្ជក់ជួយកាត់បន្ថយការត្អើកលើទារក
• ព្យាយាមកុំបំបៅទារកពេលគាត់យំ ឫ ទុករហូតដល់ទារកយំឃ្លាន បានធ្វើការបំបៅគាត់
• ក្រោយបៅ សូមកុំឱ្យទារកមានសកម្មភាពខ្លាំងក្លា(សើច ឫ វារច្រើន)
• រក្សាទារកក្នុងទម្រង់បញ្ឈរ ២០ ទៅ ៣០នាទី ក្រោយបៅ ឫ ញ៉ាំអាហារ។

ប្រភព៖www.healthline.com