ប្រយ័ត្នកូនគ្រោះថ្នាក់ បើអ្នកយកទឹកបបរមកឆុងជាមួយម្សៅទឹកដោះគោ

លោកប៉ាអ្នកម៉ាក់ដឹងទេ? ការឆុងម្សៅទឹកដោះគោជាមួយទឹកបបរមិនបានផ្ដល់ប្រយោជន៍ដល់កូនលោកអ្នកទេ តែវាអាចធ្វើឱ្យកុមារប្រឈមនឹងបញ្ហាជាច្រើន។ វិធីសាស្រ្តឆុងម្សៅទឹកដោះគោបានត្រឹមត្រូវគឺការឆុងម្សៅទឹកដោះគោជាមួយនឹងទឹកឆ្អិនក្ដៅឧណ្ហៗ (ទឹកឆ្អិនដាំពុះរួចទុកទឹកនោះនៅសីតុណ្ហភាព 70°C ដែលការឆុងរបៀបនេះមានសុវត្ថិភាពគ្រប់គ្រាន់សម្រាប់សុខភាពកូនលោកអ្នកក្នុងការធំធាត់ និងការលូតលាស់បានត្រឹមត្រូវ។

គ្រោះថ្នាក់នៃការយកទឹកដោះគោឆុងជាមួយទឹកបបរ គឺអាចធ្វើឱ្យទឹកដោះគោឡើងខាប់​ ដែលធ្វើឱ្យកុមារប្រឈមនឹងបញ្ហាដូចជា៖

• ពិបាកបន្ទោរបង់
• រលាកបំពង់ក
• ពោះវៀនខ្សោយ
• រាករូស
• កង្វះសារជាតិចិញ្ចឹម
• និង ការលូតលាស់មិនបានត្រឹមត្រូវ។

ប្រភព៖parenting.firstcry.com