ស្បែកទារកទើបកើតប្រលាក់សស្រ្ពុះ មកពីម៉ាក់ៗញ៉ាំបបរពេលមានផ្ទៃពោះឫយ៉ាងណា

ម៉ាក់ៗកំពុងមានផ្ទៃពោះមួយចំនួនអាចស្ទាក់ស្ទើរក្នុងការញ៉ាំបបរស ព្រោះគាត់គិតថាការញ៉ាំបបរសក្នុងអំឡុងពេលមានគក៌អាចធ្វើឱ្យកូនគាត់កើតមកមានស្បែកមិនស្អាត និងប្រលាក់រំអិលសស្រ្ពុះ។

ផ្អែកតាមការសិក្សាស្រាវជ្រាវ ស្បែកទារកប្រលាក់រំអិលសស្រ្ពុះមិនមែនដោយសារម៉ាក់ៗញ៉ាំបបរសក្នុងអំឡុងពេលមានពរពោះនោះទេ។

មូលហេតុបង្កឱ្យទារកទើបកើត មានស្បែកប្រលាក់រំអិលសស្រ្ពុះ?

រំអិលប្រលាក់ស្បែកទារក (vernix caseosa) ជាស្នាមប្រលាក់ដែលមានពណ៌ស​ ឫ ពណ៌ទឹកដោះគោ និងមានភាពរអិលដូចប្រេងដែលប្រឡាក់ជាប់ជាមួយស្បែកទារកហើយវាកកើតមានឡើងតាំងពីទារកនៅក្នុងផ្ទៃម្ដាយ។ vernix caseosa ផ្សំឡើងពីកោសិកាស្បែកចាស់ៗ និងក្រពេញបញ្ចេញជាតិរំអិល (sebaceous secretions)។

Vernix caseosa កើតមានលើស្បែកទារកក្នុងផ្ទៃតាំងពីសប្ដាហ៍ទី 19 រហូតដល់សប្ដាហ៍ទី34 នៃការមានផ្ទៃពោះ។ ស្នាមពណ៌សនេះចាប់ផ្ដើមរលាយចូលក្នុងទឹកភ្លោះដោយខ្លួនឯងនៅ​សប្ដាហ៍ទី៣៦ ឫ ៣៨ ហើយទារកអាចលេបវាចូលក្នុងពោះរហូតដល់ត្រីមាសទី ៤០ (ដាននេះរលប់ស្ទើរតែអស់ពីស្បែកទារកក្នុងផ្ទៃ) ។

ទារកដែលកើតមុនខែ (មុន៣៧ សប្ដាហ៍) ច្រើនតែកើតមកមានស្នាមប្រឡាក់សៗទាំងនេះ។ តែចំពោះទារកដែលកើតគ្រប់ខែ ឫ គ្រប់សប្ដាហ៍កំណត់អាចនឹងមានសល់ស្នាមដានសៗនេះតិចតួចប៉ុណ្ណោះជាប់នឹងស្បែក ដែលភាគច្រើនមាននៅតាមគន្លាក់ស្បែក (ឧ.គន្លាក់ដៃ និងជើង) និងក្រោមក្រចកទារក។

សារៈសំខាន់នៃ Vernix caseosa

• អំឡុងពេលមានពរពោះ៖ ជួយដល់ការលូតលាស់បាក់តេរីល្អៗក្នុងប្រព័ន្ធរំលាយអាហារទារក
• អំឡុងពេលឆ្លងទន្លេ៖ ជួយដល់ការបញ្ចេញទារកតាមចង្អូរសម្រាល (ទ្វារមាស) និងកាត់បន្ថយការកកិតអំឡុងពេលសម្រាល
• សម្រាប់ស្រ្តី៖ ជួយឱ្យរបួសលើទ្វារមាសម្ដាយឆាប់ជាសះស្បើយ

ក្រោយឆ្លងទន្លេ៖ ផ្ដល់សំណើមដល់ស្បែកទារក និងទប់ស្កាត់ការបង្កមេរោគលើស្បែកទារក។

ប្រភព៖www.whattoexpect.com