ស្វែងយល់ពីវិបត្តិពងបែកមាត់លើកុមារតូចៗ (Canker Sores)

អ្វីទៅជាវិបត្តិពងបែកមាត់ (Canker Sores)?

ពងបែកមាត់ជាដុំពកតូចៗដែលកើតមានលើបបូរមាត់ ថ្ពាល់(ផ្នែកក្នុងមាត់) អណ្តាត ឫ លើអញ្ចាញធ្មេញ។  ពងបែកមាត់ប្រភេទនេះ ជាទូទៅអាចជាដោយឯក​ឯងនិងមិនចម្លងទៅអ្នកដទៃឡើយ។

រោគសញ្ញនៃពងបែកមាត់ (Canker Sores)?

• ដុំដំបៅតូច
• មានពណ៌ស ឫ លឿងជាមួយស្នាមក្រហមព័ទ្ធជុំវិញ
• ឈឺ
• ផ្សារខ្លាំងពេលក្មេងញ៉ាំរបស់រឹង ជាតិប្រៃ ជាតិជូរ អាហារស្រួយ ជាដើម។

មូលហេតុបង្កឱ្យមានពងបែកមាត់

• កង្វះវីតាមីន និងជាតិរ៉ែ
• ញ៉ាំទឹកតិចពេក
• របួសលើមាត់ដូចជា​​ ខាំអណ្ដាត និងដុសធ្មេញខ្លាំងៗ។

ពងបែកមួយប្រភេទទៀតឈ្មោះ Cold sores ឫ Fever blisters ជាប្រភេទពងបែកដែលបង្កដោយមេរោគវីរុសហើយភាគច្រើនកើតនៅខាងក្រៅមាត់ ជុំវិញបបូរមាត់ លើថ្ពាល់ ចង្ការ ឫ ខាងក្នុងរន្ធច្រមុះ។

ពងបែកប្រភេទនេះងាយចម្លងទៅអ្នកដទៃ។​

ការព្យាបាលពងបែកមាត់ (Canker Sores)

• ពងបែកប្រភេទនេះអាចជាដោយឯកឯង
• ប្រើទឹកខ្ពល់មាត់ ឫ ថ្នាំលាបពងបែកមាត់(ពិគ្រោះជាមួយគ្រូពេទ្យជាមុនសិន)
• បញ្ចៀសអាហារមានជាតិហឹរ ប្រៃ ឫ ជាតិជូរដែលអាចធ្វើឱ្យក្មេងកាន់តែឈឺនិងផ្សារមាត់។

វិធីការពារពងបែកមាត់

• សូមផ្ដល់អាហារដល់កុមារតូចៗ គេង និងញ៉ាំទឹកឱ្យបានគ្រប់គ្រាន់
• បញ្ចៀសការបុក ឫ ការប៉ះទង្គិចលើមាត់ អណ្ដាតនិងអញ្ចាញធ្មេញក្មេង។

ប្រភព៖kidshealth.org