មុននឹងផ្ដល់វីតាមីនចម្រុះ (Multivitamins) ដល់កុមារ ទាំងនេះជាអ្វីដែលអាណាព្យាបាលគួរស្វែងយល់

តើកុមារពិតជាត្រូវការវីតាមីនបំប៉នមែនទេ?

• ករណីកុមារញ៉ាំអាហារចម្រុះមុខ (ក្រុមអាហារទាំងបី) បានត្រឹមត្រូវនិងគ្រប់គ្រាន់នោះកុមារមិនចាំបាច់ត្រូវការវីតាមីនបំប៉នបន្ថែមនោះទេ
• តែក្នុងករណីក្មេងរើសចំណី ហើយមិនសូវញ៉ាំ អាណាព្យាបាលគួរពិចារណាលើការផ្ដល់វីតាមីនបំប៉នបន្ថែម។

អត្ថប្រយោជន៍លើវីតាមីនចម្រុះមុខលើកុមារ

• ​ជួយបំពេញភាពខ្វះចន្លោះនៃតម្រូវការអាហារូបត្ថម្ភក្នុងករណីក្មេងញ៉ាំអាហារប្រចាំថ្ងៃមិនបានគ្រប់គ្រាន់
• ជួយបំពេញអាហារូបត្ថម្ភលើក្មេងដែលមានជំងឺមួយចំនួន
• ផ្ដល់នូវវីតាមីនចម្បងសំខាន់ៗដូចជា វីតាមីនឌី វីតាមីនស៊ី ជាតិដែក B12 និងជាតិកាល់ស្យូម។

ជ្រើសរើសវីតាមីនចម្រុះដែលល្អសម្រាប់កូនអ្នក

• វីតាមីនទឹក ក្មេងងាយស្រួលញ៉ាំ
• ញ៉ាំទៅតាមការណែនាំ (មិនគួរផ្ដល់់លើសការណែនាំ)
• បញ្ចៀសការហៅវីតាមីនចម្រុះថាជាស្ករគ្រាប់ ព្រោះអាចធ្វើឱ្យក្មេងញ៉ាំលើសពីការកំណត់ប្រចាំថ្ងៃ
• រក្សាវីតាមីននៅឱ្យឆ្ងាយពីភ្នែកក្មេង
• ផ្ដោតជាសំខាន់លើការផ្ដល់នូវអាហារឱ្យមានតុល្យភាពដូចជា បន្លែ ផ្លែឈើ ប្រូតេអ៊ីន និងគ្រាប់ធុញ្ញជាតិ។

កំណត់ចំណាំ

• វីតាមីនចម្រុះមិនគួរជំនួសឱ្យការញ៉ាំបាយប្រចាំថ្ងៃនោះទេ
• ពឹងផ្អែកលើវីតាមីនចម្រុះពេក អាចធ្វើឱ្យប៉ះពាល់ដល់ការទទួលបានរបបអាហារត្រឹមត្រូវពីអាហារប្រចាំថ្ងៃ
• អាហារូបត្ថម្ភពីអាហារងាយស្រូបយកទៅប្រើប្រាស់ជាជាងប្រភពមកពីវីតាមីន
• ពិគ្រោះជាមួយគ្រូពេទ្យជំនាញករណីអ្នកមិនច្បាស់ពីវីតាមីនទាំងនោះ។

ប្រភព៖parenting.firstcry.com