ពិតមែនឫ ដែលកូនក្នុងផ្ទៃចេះកម្រើកនៅអាយុប៉ុណ្ណេះ?

ទារកក្នុងផ្ទៃកម្រើកនៅអាយុប៉ុន្មាន?

ម៉ាក់ៗកូនដំបូងមួយចំនួនអាចនឹងមានចម្ងល់ថាទារកក្នុងផ្ទៃអាយុប៉ុន្មានទើបអាចកម្រើកបាន?

តាមការបង្ហាញរបស់អ្នកជំនាញបានឱ្យដឹងថា ទារកក្នុងផ្ទៃអាចចាប់ផ្ដើមកម្រើកនៅអាយុចន្លោះពី ១៦ ទៅ ២៤សប្ដាហ៍នៃការមានគក៌។ អ្នកម្ដាយដែលមានកូនទី២ ឫ ទី៣អាចនឹងមានអារម្មណ៍ថាកូនក្នុងផ្ទៃកម្រើកបានលឿនជាងនេះ។

ក្នុងករណីដែលម៉ាក់ៗមិនមានអារម្មណ៍ថាកូនក្នុងផ្ទៃកម្រើកលើសពី២៤សប្ដាហ៍ ម៉ាក់ៗគួរប្រញាប់ទៅជួបជាមួយគ្រូពេទ្យជំនាញ។

ធ្វើយ៉ាងណាទើបដឹងថាទារកកម្រើក?

ការកម្រើករបស់ទារកគឺអាស្រ័យទៅលើចលនា និងអាយុរបស់ទារកក្នុងផ្ទៃ។ ម្យ៉ាងទៀត ទារកម្នាក់ៗគឺមិនដូចគ្នានោះទេ ទារកខ្លះអាចកម្រើកច្រើន ទារកខ្លះអាចមិនសូវកម្រើក។ អារម្មណ៍ដំបូងដែលម៉ាក់ៗមាននោះគឺ “មានអ្វីរើរក្នុងពោះអ្នក” ដូចជា កកិត រមូល ឫ កូរពោះ ឫ ធាក់តិចៗ។ នៅពេលទារកក្នុងផ្ទៃកាន់តែធំធាត់ឡើង ការធាក់ និងការកម្រើកកាន់តែញឹកញាប់ជាងមុន។

ទារកក្នុងផ្ទៃកម្រើកញឹកញាប់ប៉ុណ្ណា?

គ្មានចំនួនជាក់លាក់ដែលអាចកំណត់បានថា តើទារកកម្រើកប៉ុន្មានដងក្នុងមួយថ្ងៃនោះទេ។ ស្រ្តីអាចនឹងមានអារម្មណ៍ថាទារកធ្វើចលនាច្រើនដងក្នុងមួយថ្ងៃ នៅចន្លោះសប្ដាហ៍២៤ ទៅ ២៨នៃការមានគក៌។ ទារកកម្រើកច្រើនដងក្នុងមួយថ្ងៃ និងកម្រើកច្រើនដងអំឡុងពេលស្រ្តីគេង ហើយទារកនឹងគេងវិញនៅពេលស្រ្តីភ្ញាក់។ ទារកគេងចន្លោះពី ២០ ទៅ ៤០នាទី ឫ អាចដល់៩០នាទី ហើយអំឡុងពេលទារកក្នុងផ្ទៃគេង គេមិនកម្រើក ឫ មិនធ្វើចលនានោះទេ។

ទារកឈប់កម្រើក តើអាចមានបញ្ហាអ្វីទេ?

ប្រសិនជាស្រ្តីមានអារម្មណ៍ថាទារកមិនមានចលនា ស្រ្តីគួរប្រញាប់ជួបជាមួយគ្រូពេទ្យជំនាញ។ សូមកុំរង់់់ចាំរហូតដល់ថ្ងៃស្អែក ព្រោះការមិនកម្រើករបស់ទារកអាចជាសញ្ញាបញ្ជាក់ថាទារកកំពុងមានបញ្ហាសុខភាព។​ គ្រូពេទ្យជំនាញអាចនឹងធ្វើការអេកូ ឫ ពិនិត្យជីបពរដើម្បីតាមដានសុខភាពទារកបន្ថែម។

ប្រភព៖www.pregnancybirthbaby.org.au