ផ្ដល់បន្លែប្រភេទនេះ ជួយកូនអ្នកបត់ជើងស្រួល!

បន្លែជាច្រើនចូលរួមចំណែកជួយឱ្យទារក និងកុមារបត់ជើងស្រួល។ ក្នុងចំណោមបន្លែជាច្រើននោះ មានបន្លែមួយប្រភេទដែលសម្បូរទៅដោយជាតិសរសៃដែលនោះគឺផ្លែពោតបារាំង។ ពោតបារាំងជួយការពារក្មេងពីបញ្ហាទល់លាមក ជួយគ្រប់គ្រងស្ករក្នុងឈាម និងការពារវិបត្តិឫសដូងបាត។

ចុះទារកនិងកុមារអាចញ៉ាំផ្លែពោតបារាំងនេះបានដែរឫទេ?

ពិតណាស់! អាណាព្យាបាលអាចផ្ដល់នូវពោតបារាំងដល់ទារក និងកុមារតាំងពីទារកអាយុ៦ខែ។ ពោតបារាំងមានអត្ថប្រយោជន៍ជាច្រើនដូចជា៖

• ជួយសម្រួលប្រព័ន្ធរំលាយអាហារ
• សម្បូរជាតិសរសៃជួយដល់ការរំលាយអាហារ ជួយសម្អាតលាមកពីពោះវៀន
• សម្បូរជាតិទឹកជួយសម្រួលដល់ប្រព័ន្ធរំលាយអាហារ និងការពារពីការទល់លាមក
• ជាតិរំអិលក្នុងពោតបារាំងជួយជម្រុញការរំលាយអាហារ និងផ្ដល់ជាតិរំអិលដល់ក្រពះ និងជួយកាត់បន្ថយការឈឺក្រពះ

ក្រៅពីនេះ ពោតបារាំងក៏ផ្ដល់ជីវជាតិជួយផ្នែកផ្សេងៗដូចជា៖

• ផ្ដល់នូវជីវជាតិជួយដល់សុខភាពភ្នែក និងប្រព័ន្ធការពាររាងកាយ
• សម្បូរវីតាមីន A ដែលជួយឱ្យភ្នែកក្មេងមើលឃើញច្បាស់
• ជាតិវីតាមីនស៊ីជួយជម្រុញប្រព័ន្ធការពាររាងកាយទប់ទល់ពីជំងឺផ្សេងៗ
• ជួយការពារពីជំងឺសរសៃឈាមបេះដូង និងជំងឺមហារីក
• សម្បូរជាតិម៉ាញេស្យូម ជួយគ្រប់គ្រងកម្រិតជាតិស្ករ និងកាត់បន្ថយការប្រឈមនឹងជំងឺសរសៃឈាមបេះដូង ដូចជាជំងឺលើសសម្ពាធឈាម ជំងឺគាំងបេះដូង ឫ ដាច់សរសៃឈាម
• ជាតិម៉ាញេស្យូមក៏ជួយការពារពីជំងឺមហារីកដែរ។
• កាត់បន្ថយកូលេស្ដេរ៉ុលក្នុងឈាម
• ពោតបារាំងជួយកម្ចាត់ជាតិខ្លាញ់មិនល្អពីក្នុងឈាម
• ជួយឱ្យឆ្អឹងរឹងមាំ
• វីតាមីនស៊ីក្នុងពោតបារាំងជួយបម្លែងជាតិកាល់ស្យូមឱ្យឆ្អឹងរឹងមាំ។

ប្រភព៖www.vinmec.com