ថើបទារកតូចៗញឹកញាប់អាចបង្កគ្រោះថ្នាក់ដល់ទារកទេ

ថ្ពាល់ប៉ោងៗទន់ៗរបស់ទារកជាអ្វីដែលលោកប៉ាអ្នកម៉ាក់និងសាច់ញាតិពិបាកបដិសេធមិនថើប។ តែការថើបថ្ពាល់ទារកតូចៗអាចបង្កគ្រោះថ្នាក់ជាច្រើនដល់សុខភាពគេ។ ដើម្បីការពារគ្រោះថ្នាក់ដល់សុខភាពទារក សូមបញ្ចៀសការថើបលើទារកតូចៗ។

ទោះបីការថើបមិនមែនសុទ្ធតែបង្កឱ្យទារកឆ្លងវីរុសផ្លូវដង្ហើម [Respiratory Syncytial Virus (RSV)] តែវាអាចចម្លងមេរោគផ្សេងៗ ដែលប្រព័ន្ធការរាងកាយរបស់ទារកពិបាកក្នុងការទប់ទល់។ ខាងក្រោមនេះជាគ្រោះថ្នាក់នៃការថើបថ្ពាល់ទារកតូចៗ៖

វីរុសផ្លូវដង្ហើម [Respiratory Syncytial Virus(RSV)]

• • ឆ្លងតាមរយៈការប៉ះពាល់ផ្ទាល់ឫតាមរយៈដំណក់ទឹកមាត់ដែលមានផ្ទុកនូវវីរុសRSV (ក្អក ឫ កណ្ដាស់)
  • ករណីអ្នកសង្ស័យ ឫ អ្នកកំពុងមានជំងឺផ្ដាសាយ រលាកច្រមុះ ឫ បំពង់ក​​ ដាច់ខាតសូមកុំប៉ះ ពរ ឫ ថើបទារកតូចៗ
  • វីរុសប្រភេទនេះបង្កឱ្យមានជំងឺផ្លូវដង្ហើមធ្ងន់ធ្ងរ ហើយក៏អាចប៉ះពាល់ដល់សរីរាង្គបេះដូងនិងខួរក្បាលទារកដែរ
  • វីរុសប្រភេទនេះក៏អាចបង្កគ្រោះថ្នាក់ដល់អាយុជីវិតផងដែរ។

ប៉ះពាល់លើប្រព័ន្ធការពាររាងកាយទារក

• ទារកទើបកើតមានប្រព័ន្ធការពាររាងកាយខ្សោយ (កំពុងលូតលាស់) ដែលពិបាកក្នុងការទប់ទល់នឹងមេរោគក្នុងករណីមានមេរោគឆ្លងចូលក្នុងរាងកាយ
• ដែលដូចនេះហើយ លោកអ្នកគួរប្រុងប្រយ័ត្នលើការថើបថ្ពាល់ទារកតូចៗនេះ

ប្រតិកម្មអាលែកហ្ស៊ី

• គ្រឿងសម្អាងដែលជាប់លើខ្លួនអ្នក ឫ អ្នកទើបញ៉ាំអាហារមួយចំនួនរួច (ទឹកដោះ សណ្ដែកសៀង គ្រាប់ធញ្ញជាតិ) អាចបង្កឱ្យទារកអាលែកហ្ស៊ីក្នុងករណីអ្នកថើបថ្ពាល់ពួកគាត់។

ជំងឺពងបែកលើមាត់ ដៃ និងជើង

• ការថើបទារកតូចៗញឹកញាប់អាចបង្កឱ្យទារកប្រឈមនឹងជំងឺពងបែកលើមាត់ដៃជើង (ឆ្លងតាមវីរុសដែលបង្កឱ្យទារកប្រឈមនឹងពងបែក ដំបៅ កន្ទួលក្រហមៗលើដៃជើងនិងមាត់ទារក)។

ប្រភព៖www.pedseast.com