ក្បាលជញ្ជក់ (Pacifiers)៖ អត្ថប្រយោជន៍ និងគ្រោះថ្នាក់លើទារក

ការជញ្ជក់ជាទម្លាប់ធម្មជាតិរបស់ទារក។ ទារកខ្លះអាចជញ្ជក់ម្រាមដៃ ឫ ម្រាមជើង។ រីឯទារកមួយចំនួនទៀតទម្លាប់ជញ្ជក់ក្បាលដោះជ័រ។

ការជញ្ជក់ក្បាលដោះជ័រជួយឱ្យទារកមានផាសុកភាព និងសុវត្ថិភាព ដែលវាជួយសម្រួលអាណាព្យាបាលបានជាច្រើន។ ទន្ទឹមនឹងនេះ គុណសម្បតិ្តនិងគុណវិបត្តិនៃការជញ្ជក់ក្បាលដោះជ័រ ស្ទើរតែមានស្មើរគ្នា។

អត្ថប្រយោជន៍នៃការជញ្ជក់ក្បាលដោះជ័រ

• ជួយកាត់បន្ថយការមួរម៉ៅរបស់ទារក
• ជួយឱ្យទារកគេងស្កប់ស្កល់
• ជួយបញ្ចៀសទារកពីការបាត់បង់ជីវិតដោយគ្មានមូលហេតុច្បាស់លាស់ (Sudden infant death syndrome SIDS)។

គុណវិបត្តិនៃការជញ្ជក់ក្បាលដោះជ័រ

• ផ្ដល់ឱ្យទារកជញ្ជក់លឿនពេកក្រោយកើត អាចធ្វើឱ្យទារកពិបាករៀនបៅទឹកដោះម្ដាយបានត្រឹមត្រូវ (គួរឱ្យទារកជញ្ជក់នៅវ័យ១ខែឡើង)
• ប្រឈមនឹងជំងឺរលាកត្រជៀក
• ប្រឈមនឹងបញ្ហាធ្មេញ (អំឡុងវ័យ២ឆ្នាំ)
• អាចប្រឈមនឹងការឆ្លងមេរោគ (ក្បាលជញ្ជក់មានជាប់មេរោគ ក្នុងករណីអ្នកសម្អាត ឫ ទុកដាក់មិនបានត្រឹមត្រូវ)

វិធីសាស្រ្តផ្ដល់ឱ្យទារកជញ្ជក់បានត្រឹមត្រូវ៖

• កុំបង្ខំឱ្យទារកជញ្ជក់ក្បាលដោះជ័រករណីយប់ឡើងទារកជ្រុះក្បាលជញ្ជក់ឯកឯងហើយទារកមិនចាប់អារម្មណ៍ អ្នកមិនបាច់ដាក់ឱ្យទារកជញ្ជក់វិញក៏បាន
• សូមកុំដាក់អ្វីពីលើក្បាលជញ្ជក់(ឧ.ទឹកឃ្មុំ ឫ ស្ករ) ដើម្បីឱ្យទារកប្រើវា
• សូមប្រើក្បាលជញ្ជក់ប្រភេទ one-piece pacifiers។ ក្បាលជញ្ជក់ប្រភេទ Two-piece pacifiers ងាយបែក និងអាចគ្រោះថ្នាក់ដល់ទារកបាន
• សូមកុំប្រើខ្សែចងជាមួយក្បាលជញ្ជក់​ ព្រោះវាអាចទាក់ ក ទារកជាយថាហេតុ
• ជ្រើសរើសក្បាលជញ្ជក់ដែលមានបន្ទះការពារធំជាងមាត់ទារក (ហើយបន្ទះនោះមានរន្ធពីលើនោះ)
• នៅពេលលួងទារក សូមសាកល្បងវិធីសាស្រ្តផ្សេងជាមុនសិនដូចជាពរ ច្រៀង ឫ យោលទៅនេះទៅនោះ។ សូមផ្ដល់ក្បាលដោះជាជម្រើសចុងក្រោយ
• ឆែកថាទារកឃ្លាន ឫ ត្រូវប្ដូរខោទឹកនោមទេ (មុននឹងផ្ដល់ក្បាលជញ្ជក់)។

គ្រូពេទ្យលើកទឹកចិត្តឱ្យអាណាព្យាបាលបញ្ឈប់ក្បាលជញ្ជក់នៅវ័យចន្លោះពី ៦ខែទៅ១ឆ្នាំ​និងយូរបំផុតត្រឹម៤ឆ្នាំ។

ប្រភព៖familydoctor.org