អ្វីខ្លះដែលអ្នកគួរដឹងមុននឹងសម្រេចចិត្តយកបុត្រ

ប្រសិនជាអ្នកកំពុងមានគម្រោងចង់បានបុត្រ អ្នកគួរចាប់ផ្ដើមត្រៀមខ្លួនសម្រាប់ការយកគក៌។ ការថែទាំមុនពេលមានផ្ទៃពោះ រួមមានការឆែកសុខភាព ការកំណត់អាហារូបត្ថម្ភ បែបផែនប្រចាំថ្ងៃ និងបរិយាកាសដែលម្ដាយពរពោះជាដើម។ ស្រ្តីមួយចំនួនងាយនឹងឆាប់មានគក៌ តែស្រ្តីមួយចំនួនទៀតអាចប្រើពេលយូរខែឆ្នាំក្នុងការមានលទ្ធភាពពរពោះ។

ខាងក្រោមនេះ ជាការត្រៀមខ្លួនសម្រាប់ការមានផ្ទៃពោះប្រកបដោយសុខភាពល្អ៖

១. គម្រោងក្នុងការយកគក៌

បញ្ចៀសការសម្រេចចិត្តយកកូនដោយបង្ខិតបង្ខំ
បញ្ចៀសការមានផ្ទៃពោះមុនអាយុ១៨ឆ្នាំ
គម្លៀតពីការយកកូនមួយទៅកូនទៀតឱ្យបាន២ឆ្នាំឡើង
ទាំងអ្នក និងដៃគូរអ្នក សូមប្រាកដថាបានត្រៀមខ្លួនទាំងផ្លូវកាយ ផ្លូវចិត្ត ផ្លូវអារម្មណ៍ និងថវិការ
ឆែកសុខភាព
កំណត់របបអាហារឱ្យបានត្រឹមត្រូវ
ឆែកមើលកម្រិតហេម៉ូក្លូប៊ីន (ប្រសិនតិចជាង 12g/dl)
បញ្ឈប់ការពន្យារកំណើតយ៉ាងហោចណាស់៦ខែមុនពេលមានផ្ទៃពោះ

២. ញ៉ាំអាហារដែលផ្ដល់នូវអាហារូបត្ថម្ភគ្រប់គ្រាន់

ធញ្ញជាតិ៖ បាយ ស្រូវសាឡី ធញ្ញជាតិ ។ល។ សូមកាត់បន្ថយការញ៉ាំនំបុ័ងពណ៌ស នំកញ្ចប់ និងនំធ្វើចេញពីម្សៅមី
បន្លែ និងផ្លែឈើ៖ ញ៉ាំបន្លែ និងផ្លែឈើជាប់ជាប្រចាំ។ អ្នកគួរញ៉ាំបន្លែឱ្យបាន២ចានចង្កឹះ និងផ្លែឈើឱ្យបាន១ចានចង្កឹះ (សូមញ៉ាំបន្លែផ្លែឈើចម្រុះពណ៌ដែលវាផ្ដល់នូវអាហារូបត្ថម្ភសម្បូរបែបដល់អ្នក)
ប្រូតេអុីន៖ ត្រី សាច់ ស៊ុត ផ្ដល់នូវប្រូតេអុីនជំនួយដល់រាងកាយអ្នក
ទឹកដោះគោ និងផលិតផលចម្រាញ់ពីទឹកដោះគោ៖ ញ៉ាំទឹកដោះគោ១ថ្ងៃ២កែវ
ខ្លាញ់៖ ខ្លាញ់មិនមែនសុទ្ធតែអាក្រក់នោះទេ។ ខ្លាញ់មួយចំនួនផ្ដល់នូវអាស៊ីីតខ្លាញ់ៗល្អៗដូចជាអូមេហ្គា៣ និងអូមេហ្គា៦។ អ្នកអាចទទួលបានអាស៊ីតខ្លាញ់ល្អៗពីប្រេងបន្លែ ត្រីសមុទ្រ ស៊ុតជាដើម។
ទឹក៖ ញ៉ាំទឹកឱ្យបាន១០ទៅ១២កែវក្នុងមួយថ្ងៃ។

៣. មានសកម្មភាពជាប្រចាំ

អ្នកអាចហាត់ប្រាណ និងមានសកម្មភាពជាប់ជាប្រចាំ។ សូមសម្រកគីឡូមកត្រឹមគីឡូស្ដង់ដា (សម្រាប់អ្នកលើសទម្ងន់) ឫ បង្កើនការឡើងគីឡូមកកម្រិតស្ដង់ដាសម្រាប់អ្នកមានគីឡូតិចជាស្ដង់ដា។ មានទំងន់ជាមួយគីឡូតិច ឫ លើសស្ដង់ដាសុទ្ធតែអាចបង្កហានិភ័យដល់សុខភាពម្ដាយ និងគក៌។