អត្ថប្រយោជន៍នឹកស្មានមិនដល់ នៃផ្លែស្រការនាគ

ពេលណាដែលក្មេងអាចញ៉ាំផ្លែស្រការនាគបាន?

ផ្លែស្រការនាគទន់ ងាយស្រួលលេប ដែលសាកសមសម្រាប់ក្មេងពី៦ខែឡើង។

ម៉ាក់ប៉ាអាចចាប់ផ្ដើមផ្ដល់ឱ្យគេក្នុងទម្រង់ជាការក្រឡុក ឫ កិនឱ្យម៉ត់។

រហូតដល់ទារកចាប់ផ្ដើមចេះលេប និងទំពារបាន(៩ ទៅ ១០ខែឡើង) អាណាព្យាបាលអាចចិតជាចំណិតតូចៗឱ្យទារកញ៉ាំ។ ដោយសារផ្លែស្រការនាគដែលចិតរួច រាងរអិលៗវាអាចធ្វើឱ្យក្មេងងាយឆ្លាក់។ ដូចនេះ រៀងរាល់់ពេលក្មេងញ៉ាំ សូមសង្កេតនិងតាមដានលើការញ៉ាំរបស់ក្មេង។

អត្ថប្រយោជន៍នៃការញ៉ាំផ្លែស្រការនាគ

1. ជួយការលូតលាស់ភ្នែក និងស្បែក៖ ែផ្លស្រការនាគផ្ដល់នូវ អាស៊ីតខ្លាញ់ PUFA (polyunsaturated fatty acids) វីតាមីន A និង C ជាតិ phosphorus ជាតិ calcium និងជាតិដែក។ ជីវជាតិទាំងនេះ ជួយការលូតលាស់សព្វសារពាង្គកាយក្មេង។ វីតាមីនអេ (មានជាតិបេតាការ៉ូតែន) ដែលជួយដល់សុខភាពស្បែក និងភ្នែក។ រីឯ ជាតិ phosphorus ជួយដល់រក្សាលំនឹងអេឡិចត្រូលីត និងជួយឱ្យឆ្អឹងក្មេងលូតលាស់ល្អ
2. ជួយប្រព័ន្ធរំលាយអាហារ៖ ផ្ដល់នូវជាតិទឹក និងអាហារសរសៃ ដែលជួយឱ្យប្រព័ន្ធរំលាយអាហារមានសុខភាពល្អ។ ម្យ៉ាងវិញទៀតអាហារសរសៃ និងទឹករួមគ្នា ជួយឱ្យក្មេងបន្ទោរបង់ និងបញ្ចៀសពីទល់លាមក។ អាហារសរសៃក៏ដើរតួនាទីជាចំណីរបស់មេរោគល្អៗក្នុងប្រព័ន្ធរំលាយអាហារដែលជួយឱ្យប្រព័ន្ធរំលាយអាហារដំណើរការបានល្អ។

1. ពង្រឹងប្រព័ន្ធការពាររាងកាយ៖ វីតាមីនអេ(beta- carotene) វីតាមីនស៊ី ជាតិ betalains និងជាតិpolyphenols មានអនុភាពជួយដល់ការប្រឆាំងនូវអុកស៊ីតកម្មមិនល្អ (ជួយកម្ចាត់ពពួករ៉ាឌីកាល់សេរីដែលអាចបង្កឱ្យមានជម្ងឺមហារីក) និងពង្រឹងប្រព័ន្ធការពាររាងកាយ។

លើសពីនេះ ការញ៉ាំផ្លែស្រការនាគ ពិសេសផ្លែស្រការនាគពណ៌ក្រហម ជួយបង្កើនបរិមាណជាតិដែកសាកសមសម្រាប់រាងកាយក្មេង។

ប្រភព៖www.momjunction.com