មិនច្បាស់ពីការបៅឆ្អែតឫមិនឆ្អែតរបស់ទារក សូមអានអត្ថបទនេះ!

កំណត់សម្គាល់លើសញ្ញាបញ្ញាក់ថាក្មេងបៅឆ្អែត

• បៅច្រើនដងចន្លោះពី៨ទៅ១២ដងក្នុងមួយថ្ងៃ
• ឡើងគីឡូតាមអាយុចន្លោះ ១ខាំកន្លះទៅ២ខាំកន្លះក្នុងមួយសប្ដាហ៍រហូតដល់ទារកអាយុ៤ខែ
• ស្រស់ស្រាយក្រោយបៅរួច និងអាចព្រលែងចុងសុដន់ដោយខ្លួនឯង
• ទារកនោមញឹកញាប់ (ខោទឹកនោមសើមលើសពី៦ខោក្នុងមួយថ្ងៃ)
• លាមកចាប់ផ្ដើមប្ដូរជាពណ៌លឿង ទន់​និងគ្រាប់ៗ (ជុះ៣ ទៅ ៤ដងក្នុងមួយថ្ងៃ)
• ទារកដឹងខ្លួន និងមានសកម្មភាពគ្រប់គ្រាន់
• លូតលាស់តាមការកំណត់របស់ស្ដង់ដា WHO។

កំណត់សម្គាល់លើសញ្ញាបញ្ញាក់ថាក្មេងបៅមិនឆ្អែត

• ទារកងងុយ ល្ហិតល្ហៃ និងមិនសូវមានកម្លាំងកំហែង
• បៅបានតិច និងឆាប់ប្រលែងចុងសុដន់
• គេងមិនសូវបានស្កប់ក្រោយបៅរួច
• ចុកក្នុងសុដន់រាល់ពេលទារកបំបៅម្ដងៗ (ម្ដាយដាក់ទារកបំបៅមិនបានត្រឹមត្រូវ)
• គីឡូឡើងតិច ឫ ស្ទើរតែមិនឡើង
• ទារកមិនសូវជុះ (ទារកអាចជុះបីទៅបួនដងក្នុងមួយថ្ងៃនៅអាយុបួនថ្ងៃឡើងដល់មួយខែ និងមួយទៅពីរដងនៅអាយុពីរខែឡើង)
• ទឹកនោមប្ដូរជាពណ៌ក្រហមក្រម៉ៅ (ជាទូទៅពណ៌ទារកគឺលឿងស្រាល)។

ដំណោះស្រាយក្នុងការជួយឱ្យទារកបៅបានគ្រប់គ្រាន់

ដើម្បីជួយឱ្យទារកបៅបានគ្រប់គ្រាន់និងត្រឹមត្រូវ សូមអាណាព្យាបាលដាក់ទារកបំបៅឱ្យបានត្រឹមត្រូវ។ សញ្ញាបញ្ជាក់ថាទារកបៅបានគ្រប់គ្រាន់និងត្រឹមត្រូវ៖

• ព្យាយាមបំបៅឱ្យបានញឹកញាប់ (៨ទៅ១២ដងក្នុងមួយថ្ងៃ)
• មាត់ទារកហារបានធំ ហើយបបូរមាត់ខាងលើនិងក្រោមរបស់ទារកបិតជិតផ្ទៃក្រម៉ៅនៃសុដន់ម្ដាយ
• ចង្ការទារកប៉ះជាមួយសុដន់ម្ដាយ
• បបូរមាត់ខាងក្រោមអឹបជាប់សុដន់ម្ដាយ
• ច្រមុះទារកមិនអឹបខ្លាំងជាប់សុដន់ម្ដាយ
• ស្រ្តីមិនឈឺសុដន់ ឫ ចុងសុដន់

ដើម្បីជម្រុញដល់ការបង្កើនទឹកដោះ ស្រ្តីអាចធ្វើការបូមទឹកដោះបន្ថែមពីលើការបំបៅផ្ទាល់។

ប្រភព៖www.llli.orgwww.nhs.uk