
ពណ៌លាមកពិតជាអាចបញ្ជាក់ពីសុខភាពក្មេងមែនឫទេ?
លោកប៉ាអ្នកម៉ាក់ដឹងទេ? ពណ៌លាមក ជាសញ្ញាមួយដែលអាចសបញ្ជាក់ពីបញ្ហាសុខភាពក្មេង។ នៅវ័យមួយឆ្នាំដំបូងរបស់ទារក ពណ៌លាមកជាច្រើនដែលប៉ាម៉ាក់អាចជួបប្រទះ ដែលបញ្ហានេះ វាអាចបណ្ដាលមកពីរបបអាហារដែលក្មេងទទួលទាន និងបញ្ហាសុខភាពផ្សេងៗទៀត។ មួយវិញទៀត សណ្ឋានលាមកធម្មតា (ពណ៌ និងទម្រង់) របស់មនុស្សពេញវ័យ ក៏មិនអាចធ្វើការប្រៀបធៀបនឹងភាពធម្មតារបស់ទារកដែរ។
ខាងក្រោមនេះ ជាសណ្ឋានលាមក ដែលអាចបញ្ជាក់ពីភាពធម្មតា ឫ មិនធម្មតារបស់ក្មេង៖
ពណ៌ខ្មៅ
- សង្កេតឃើញកើតលើ ទារកទើបនឹងកើត ដែលបៅទឹកដោះម្ដាយ និងរូបមន្តទឹកដោះគោម្សៅ
- ជាសញ្ញាបញ្ជាក់ពីសុខភាពធម្មតា សម្រាប់ក្មេងទើបនឹងកើតប៉ុន្មានថ្ងៃដំបូង (លាមកព្រៃ)
- លាមកព្រៃ (meconium) មានផ្ទុកនូវ ស្លេស្ម កោសិកាស្បែក និងទឹកភ្លោះ
- ជាសញ្ញានៃបញ្ហាសុខភាព ក្នុងករណីកើតលើទារកអាយុលើសពីមួយសប្ដាហ៍ឡើងទៅ
ពណ៌លឿងចាស់
- ទារកបៅទឹកដោះម្ដាយ មានពណ៌លាមកប្រភេទនេះ
- ពណ៌លាមកប្រភេទនេះ បញ្ជាក់ពីស្ថានភាពសុខភាពធម្មតា
- ក្រោយទារកបន្ទោរបង់លាមកព្រៃអស់ ពណ៌លាមកទារក នឹងប្តូរមកព៌ណលឿងចាស់នេះ
ពណ៌លឿងខ្ចី
- ទារកបៅទឹកដោះម្ដាយ មានពណ៌លាមកលឿងខ្ចី (ទារកបៅរូបមន្តទឹកដោះគោម្សៅ ក៏អាចមានលាមកពណ៌នេះដែរ)
- ក្នុងករណីលាមកមានពណ៌លឿងខ្ចីញឹកញាប់ និងមានសណ្ឋានរាវ វាអាចជាសញ្ញានៃជំងឺរាករូស
- ជំងឺរាករូសអាចធ្វើឱ្យក្មេងប្រឈមនឹងកង្វះជាតិទឹកក្នុងរាងកាយ
ពណ៌ទឹកក្រូច
- សង្កេតឃើញមានទាំងទារក បៅទឹកដោះម្ដាយ និងរូបមន្តទឹកដោះគោម្សៅ
- មានសុខភាពធម្មតា
ពណ៌ក្រហម
- សង្កេតឃើញ កើតមានលើទារកញ៉ាំអាហារដែលមានពណ៌ក្រហមដូចជា ប៉េងប៉ោះ មើមឆៃថាវក្រហម ជាដើម។
- លាមកមានពណ៌ក្រហមក៏អាចជាសញ្ញានៃ លាមកលាយឈាម (មានការបង្កជំងឺក្នុងពោះវៀនក្មេង) ឫសញ្ញាបញ្ជាក់ពីការអាលែកហ្ស៊ីនៃទឹកដោះគោ ឫ ការដាច់សរសៃឈាមនៅរន្ធគូថក្មេងដែរ (ទល់លាមកយូរ)
- ប្រសិនជាទារកមិនបានញ៉ាំអាហារមានពណ៌ក្រហម សូមនាំទារកទៅជួបគ្រូពេទ្យជាបន្ទាន់
- ប្រសិនជាទារកញ៉ាំអាហារដែលមានពណ៌ក្រហម សូមសង្កេតមើលថា ពណ៌លាមកទារកវិលមកធម្មតាទេ ប្រសិនជាទារកមិនវិលមកធម្មតា សូមនាំទារកជួបគ្រូពេទ្យជាបន្ទាន់។
ពណ៌បៃតងស្រាល
- ទារកបៅរូបមន្តទឹកដោះគោម្សៅ អាចមានលាមកពណ៌បៃតងស្រាល និងពណ៌លឿង
- លាមកអាចមានសណ្ឋានរឹងជាងលាមករបស់ទារកបៅទឹកដោះម្ដាយ
- បញ្ជាក់ពីសុខភាពធម្មតា។
ពណ៌បៃតងចាស់
- ទារកមានពណ៌លាមកប្រភេទនេះ ភាគច្រើនជាទារកចាប់ផ្ដើមញ៉ាំអាហាររឹង ឫ ប៉ិៗ (អាហារមានពណ៌បៃតង ដូចជាស្ពៃ និងសណ្តែកបារាំង ជាដើម)
- ទារកដែលញ៉ាំថ្នាំជាតិដែក ក៏អាចធ្វើឱ្យលាមកប្តូរជាពណ៌បៃតងដែរ
- បញ្ជាក់ពីសុខភាពធម្មតា។
ពណ៌ស
- លាមកពណ៌សអាចជាសញ្ញាបញ្ជាក់ពីថ្លើមទារកមិនបញ្ចេញទឹកប្រម៉ាត់ក្នុងការរំលាយអាហារបានគ្រប់គ្រាន់
- វាជាសញ្ញាបញ្ជាក់ពីគ្រោះថ្នាក់ ដូចនេះសូមប្រញាប់នាំទារកទៅជួបគ្រូពេទ្យជំនាញជាបន្ទាន់។
ពណ៌ប្រផេះ
- ក៏ដូចជាលាមកមានព៌ណស លាមកព៌ណប្រផេះនេះ ជាសញ្ញាបញ្ជាក់ថាសរីរាង្គក្មេងមិនអាចរំលាយអាហារបានត្រឹមត្រូវ
- សូមប្រញាប់នាំទារកទៅជួបគ្រូពេទ្យជំនាញជាបន្ទាន់។
ប្រភព៖healthline.com

Baby Formula Milk From The Netherlands 100%
We offer complete nutrition to support the optimal growth and development of babies and children. Premium infant formula milk from Holland.
អត្ថបទថ្មីៗ
- ឱ្យកូនញ៉ាំបន្លែរាល់ថ្ងៃ ដឹងអត់ថាវាជួយអ្វីខ្លះដល់សុខភាពទារកនិងកុមារ!
- អាហារូបត្ថម្ភសំខាន់ៗទាំងនេះ ជួយកុមារមានសុខភាពល្អនិងមិនងាយឈឺ!
- មុននឹងផ្ដល់វីតាមីនចម្រុះ (Multivitamins) ដល់កុមារ ទាំងនេះជាអ្វីដែលអាណាព្យាបាលគួរស្វែងយល់
- គន្លឹះទាំងនេះជួយកូនអ្នកសុខភាពល្អ និងជៀសឆ្ងាយពីជំងឺផ្សេងៗ
- កុមារលើសគីឡូ៖ ញ៉ាំក្រុមអាហារទាំងនេះជួយទប់ស្កាត់ការឡើងគីឡូខ្លាំង