ធ្លាប់លឺទេ? បម្រុងក្រឡាភ្លើងពេលមានផ្ទៃពោះ

បម្រុងក្រឡាភ្លើងគឺជាជម្ងឺដែលតែងកើតមាននៅសប្ដាហ៍ទី ២០នៃការមានផ្ទៃពោះ ឬភ្លាមៗក្រោយពីសម្រាលបុត្ររួច។ ប្រសិនជាមិនទទួលបានការព្យាបាលត្រឹមត្រូវទេគឺអាចបណ្ដាលអោយស្ត្រីខូចថ្លើម តម្រងនោម និងមានបញ្ហាបេះដូងទៅថ្ងៃមុខ។ បម្រុងក្រឡាភ្លើងធ្វើអោយប៉ះពាល់ដល់មុខងាររបស់ទងសុក។ ប្រសិនជាសុកមិនបានដឹកនាំឈាមគ្រប់គ្រាន់នោះទេ នោះកូនក្នុងផ្ទៃរបស់អ្នកទទួលបានអ៊ុកស៊ីសែន និងចំណីអាហារមិនគ្រប់គ្រាន់ទេ។ វាបណ្ដាលអោយទារកសម្រាលមកមិនគ្រប់គីឡូ សម្រាលមិនគ្រប់ខែ និងករណីកម្រគឺបណ្ដាលអោយទារកស្លាប់ក្នុងពោះទៀតផង។

ស្ត្រីនឹងសម្រាលកូនដោយមានសុខភាពល្អ ប្រសិនបើទទួលបានការព្យាបាលទាន់ពេល និងតាមដានសុខភាពបានហ្មត់ចត់។ តើស្ត្រីណាខ្លះដែលមានហានិភ័យនៃជម្ងឺបម្រុងក្រឡាភ្លើងក្នុងពេលមានផ្ទៃពោះ?

ស្ត្រីមានផ្ទៃពោះដែលមានសុខភាពល្អ និងការរស់នៅល្អគឺកម្រនឹងមានបញ្ហានេះណាស់។ មានស្ត្រីមួយចំនួនដែលប្រឈមនឹងជម្ងឺនេះក្នុងពេលមានផ្ទៃពោះមានដូចជា

ស្ត្រីមានផ្ទៃពោះលើកដំបូង
ស្ត្រីធ្លាប់មានជម្ងឺលើសសម្ពាធឈាមពេលមានផ្ទៃពោះ ឬបម្រុងក្រឡាភ្លើងពីមុនមក
មានតំណពូជដែលមានបម្រុងក្រឡាភ្លើង (ម្ដាយ ឬបងប្អូនស្រីៗ)
មានកូនភ្លោះ
មានផ្ទៃពោះនៅអាយុ ក្រោម២០ឆ្នាំ ឬលើសពី ៤០ឆ្នាំ
ស្ត្រីដែលធាត់ ឬមានសន្ទស្សន៍ម៉ាសរាងកាយលើសពី ៣០

ក្នុងករណីស្រួចស្រាវ ស្ត្រីនឹងមានអាការៈដូចជា លើសសម្ពាធឈាម ហើមដៃជើង និងប្រូតេអ៊ីនចេញតាមទឹកនោម។ ក្នុងករណីធ្ងន់ធ្ងរ ស្ត្រីអាចមានការឈឺក្បាលខ្លាំង ស្រវាំងភ្នែក អស់កម្លាំងខ្លាំង ក្អួត ចង្អោរ នោមទាស់ ចុកពោះថ្នែកខាងស្ដាំ ដកដង្ហើមញាប់ និងងាយជាំស្បែកនៅពេលមានការប៉ះទង្កិច។

សូមទាក់ទងវេជ្ជបណ្ឌិតជាបន្ទាន់ប្រសិនបើអ្នកជួបនឹងស្រវាំងភ្នែក ឈឺក្បាលខ្លាំង ឈឺពោះ ឬបត់ជើងតូចញឹកញាប់។

ចំពោះការព្យាបាលវិញគឺអាស្រ័យលើស្ថានភាពជម្ងឺរបស់អ្នក។ ក្នុងនោះដែរ ស្ត្រីគួរផ្លាស់ប្ដូរទម្លាប់មួយចំនួនប្រចាំថ្ងៃដើម្បីអោយដំណើរនៃការមានផ្ទៃពោះបានប្រសើរ ក្នុងនោះរួមមាន