ទាំងអស់នេះហើយ សុទ្ធសឹងជាកត្តាធ្វើឱ្យក្មេងឈឺពោះ!!

ឈឺពោះជាបញ្ហាដែលងាយកើតឡើងលើកុមារអាយុក្រោម៥ឆ្នាំ។ ភាគច្រើននៃការឈឺពោះបណ្ដាលមកពីបញ្ហាជាច្រើនដូចជា៖

ទល់លាមក

រោគសញ្ញា
- បត់ជើងធំតិចជាងធម្មតា (ខានជុះលើសពី៣ថ្ងៃ)
- លាមករឹង ស្ងួត ដុំៗ
- ពិបាកជុះ
- ឈឺពោះផ្នែកខាងក្រោម (ករណីក្មេងធំអាចប្រាប់បាន)
មូលហេតុ
- ផ្លាស់ប្ដូររបបអាហារ (ប្ដូរពីញ៉ាំរាវទៅញ៉ាំអាហារខាប់ៗដូចបបរ)
- មិនសូវញ៉ាំអាហារសម្បូរជាតិសរសៃ
- មិនសូវញ៉ាំទឹកបានគ្រប់គ្រាន់
- ក្មេងទប់ជុះ (ខ្លាចឈឺ ឫ គ្មានខោទឹកនោម)
ដំណោះស្រាយ
- ផ្ដល់ជាតិទឹកឱ្យបានគ្រប់គ្រាន់ពេញមួយថ្ងៃ (សម្រាប់ទារកអាយុ៦ខែឡើង)
- ធ្វើលំហាត់ប្រាណជួយឱ្យកុមារងាយបត់ជើងជុះ (ដើរ រត់ លេង)
- ផ្ដល់អាហារសម្បូរជាតិសរសៃដើម្បីជួយឱ្យលាមកទន់ហើយក្មេងងាយជុះដូចជា៖
  - ល្ហុង ទឹកក្រូចច្របាច់ ផ្លែប៊ឺរ ផ្លែព្រូន ផ្លែសារី
  - Oatmeal
  - កាត់បន្ថយផ្លែចេកស្រគៀល ប៉ោម ការ៉ុត ល្ពៅ(អាចធ្វើឱ្យក្មេងពិបាកបត់ជើង)
  - ផ្ដល់ជាតិទឹកដល់កុមារឱ្យបានគ្រប់គ្រាន់។

ហើមពោះ

រោគសញ្ញា
- យំរករឿងខុសពីធម្មតា
- រមីរមួលខ្លួន
- ទាញជើងមករកពោះ
- ឈឺចុកពោះ ឆ្អល់ពោះ ក្រហាយពោះ ដើរខ្យល់ញឹកញាប់ និងអាចចង្អោរក្អួត
មូលហេតុ
- ផ្លាស់ប្ដូររបបអាហារ (ប្ដូរពីញ៉ាំរាវទៅញ៉ាំអាហារខាប់ៗដូចបបរ)
- លេបខ្យល់ចូលពោះច្រើន (ដបបំបៅធំជាងបរិមាណត្រូវបៅ និងការដាក់ទារកបំបៅមិនបានត្រឹមត្រូវអាចបណ្ដាលឱ្យក្មេងលេបខ្យល់ច្រើនចូលពោះ)
- ឧស្សាហ៍យំ ឫ ដង្ហក់
- ចាប់ផ្ដើមញ៉ាំអាហាររឹងដំបូងៗ (បបរ ឫ ផ្លែឈើកិន)
- ញ៉ាំអាហារបង្កឱ្យមានជាតិហ្គាសច្រើន ដូចជាគ្រឿងកំប៉ុង ប្រូខូលី ឫ ផ្កាខាត់ណា
- ញ៉ាំអាហារបំពង ឫ ចៀនច្រើន
- ញ៉ាំលឿនៗ ញ៉ាំទឹកមិនបានគ្រប់គ្រាន់ ។
ដំណោះស្រាយ
- ដាក់ឱ្យទារកភើរឱ្យបានញឹកញាប់ (ពរទារក រួចគោះខ្នងទារកថ្នមៗ)
- ពរទារកបញ្ឈរក្រោយបៅរួចមួយសន្ទុះ
- ម៉ាស្សាពោះក្រោយញ៉ាំអាហារ/ទឹកដោះ ២ម៉ោង ឫ មុនញ៉ាំអាហារ។

ប្រតិកម្មជាតិស្ករឡាក់តូស

រោគសញ្ញា
- រាក ចង្អោរ ចុករមួលពោះ ហើមពោះ និងផោមញឹកញាប់
មូលហេតុ
- ពោះវៀនមិនអាចបញ្ចេញអង់ស៊ីមឡាក់តាសសម្រាប់បំបែកស្ករឡាក់តូសបានគ្រប់គ្រាន់ បង្កឱ្យមានរោគសញ្ញាខាងលើ
- អាចកើតមានក្នុងរយៈពេលខ្លី ឫ វែងអាស្រ័យលើសុខភាពក្មេង
ដំណោះស្រាយ
- បញ្ចៀសអាហារ/ទឹកដោះដែលមានជាតិស្ករឡាក់តូស

វិបត្តិកក្រពះ (Reflux and GERD)

រោគសញ្ញា
- ងាយក្អែរ ឫ ក្អួត (ក្រោយបៅ)
- ឈឺពោះ
- ក្រហាយតាមបណ្ដោយផ្លូវអាហារ (ទ្រូង និងបំពង់ក)
មូលហេតុ
- កក្រពះក្មេងមិនទាន់លូតលាស់ពេញលេញ
- ទម្លាប់ប្រចាំថ្ងៃមួយចំនួនដូចជា ក្មេងទើបបៅឆ្អែត អ្នកលេងជាមួយក្មេងខ្លាំងៗធ្វើឱ្យច្រាល់ទឹកដោះ ឫ អាហារដែលបង្កឱ្យរលាកកក្រពះ
ដំណោះស្រាយ
- នាំក្មេងពិគ្រោះជាមួយគ្រូពេទ្យជំនាញ
- ឱ្យក្មេងញ៉ាំតិច តែច្រើនដង
- ដាក់ក្មេងឱ្យភើរញឹកញាប់
- បៅរួចពរទារកសិន ព្រោះការដាក់ក្មេងឱ្យគេងភ្លាមៗងាយធ្វើឱ្យក្មេងក្អែរ ។

វិបត្តិ Colic

រោគសញ្ញា
- ភាគច្រើនកើតលើទារកអាយុក្រោម៥ខែ
- យំខ្លាំង មិនងាយបាត់យំ (លើសពី៣ម៉ោង)
- ផោមញឹកញាប់ និងទាញជើងមករកពោះ
- យំចាប់ពី៣ថ្ងៃ ទៅច្រើនថ្ងៃក្នុងមួយសប្ដាហ៍ (គ្មានហេតុផលច្បាស់លាស់)។
មូលហេតុ
- អ្នកជំនាញមិនទាន់រកឃើញមូលហេតុជាក់លាក់ទាក់ទងនឹងវិបត្តិ Colic
- ប្រហែលពាក់ព័ន្ធនឹងការកន្រ្តាក់ខ្លាំងនៃពោះវៀនទារក ដែលធ្វើឱ្យមានការឈឺចាប់់
- អាចឈឺពេលថ្ងៃ និងល្ងាច។
ដំណោះស្រាយ
- ម៉ាស្សា និងអោប
- លួងដោយថ្នាក់ថ្នម។

ឆ្លងមេរោគក្នុងប្រព័ន្ធរំលាយអាហារ

រោគសញ្ញា
- ក្អួត និងរាក
មូលហេតុ
- បង្កដោយការឆ្លងមេរោគវីរុស និងបាក់តេរី
- ឆ្លងតាមការញ៉ាំអាហារមិនស្អាត និងដៃកង្វក់ដាក់ចូលមាត់។
ដំណោះស្រាយ
- ប្រញាប់នាំក្មេងទៅជួបគ្រូពេទ្យជំនាញ
- ផ្ដល់ជាតិទឹកឱ្យបានគ្រប់គ្រាន់ដើម្បីបង្ការការបាត់បង់ជាតិទឹក
- ផ្ដល់អាហារឱ្យបានគ្រប់គ្រាន់។

ឆ្លងមេរោគប្រព័ន្ធផ្លូវដង្ហើមផ្នែកខាងលើ

រោគសញ្ញា
- ឈឺចុកឆ្អល់ពោះអមជាមួយរោគសញ្ញាផ្ដាសាយដូចជា ឈឺក ហៀរសម្បោរ ឫ តឹងច្រមុះ
មូលហេតុ
- ស្លេស្មបង្កើតច្រើនអំំឡុងពេលឆ្លងមេរោគលើប្រព័ន្ធផ្លូវដង្ហើមផ្នែកខាងលើ
- ស្លេស្មធ្លាក់ចូលក្នុងប្រព័ន្ធរំលាយអាហារ បង្កទុក្ខទោសដល់ប្រព័ន្ធរំលាយអាហារ
- ក្មេងអាចព្យាយាមក្អួត ដើម្បីខ្ជាក់ស្លេស្មចេញមកខាងក្រៅរាងកាយ
ដំណោះស្រាយ
- ផ្ដល់ថ្នាំព្យាបាលផ្ដាសាយតាមរោគសញ្ញា។

អាលែកហ្ស៊ីចំណីអាហារ

រោគសញ្ញា
- ឈឺចុកពោះ គួបផ្សំនឹងក្អួត រាក ដកដង្ហើមលឺសូរដូចកញ្ច្រែរ ក្អក តឹងឫហៀរសម្បោរ ហើមអណ្ដាត ឡើងកន្ទាលត្រអាក ឫ ឡើងរមាស់ស្បែក
មូលហេតុ
- ពេលក្មេងអាលែកហ្ស៊ីអាហារ ប្រព័ន្ធការពាររាងកាយរបស់ក្មេងមានប្រតិកម្មជាមួយអាហារ (ឧ.ប្រូតេអ៉ីនក្នុងទឹកដោះគោ) ដែលបង្កឱ្យមានរោគសញ្ញាអាលែកហ្ស៊ីកើតមានឡើង។ អាហារដែលងាយបង្កឱ្យមានអាលែកហ្ស៊ីមានដូចជាស៊ុត ទឹកដោះ សណ្ដែកដី គ្រាប់ធញ្ញជាតិ ត្រី ពពួកគ្រំងាវ ស្រូវសាឡី និងសណ្ដែកសៀង
- អាលែកហ្ស៊ីអាចបញ្ចេញរោគសញ្ញា ប៉ុន្មាននាទី ឫ ប៉ុន្មានម៉ោងក្រោយញ៉ាំអាហារ។

ដំណោះស្រាយ
- ពិគ្រោះជាមួយគ្រូពេទ្យជំនាញ ក្នុងករណីអ្នកសង្កេតឃើញរោគសញ្ញាអាលែកហ្ស៊ីកើតមានឡើងក្រោយក្មេងញ៉ាំអ្វីមួយ។
- សូមប្រញាប់នាំក្មេងទៅពេទ្យជាបន្ទាន់ ក្នុងករណីអ្នកសង្កេតឃើញមានរោគសញ្ញាប៉ះពាល់ដល់ជីវិតដូចជា ប្ដូរពណ៌ស្បែកទៅជាស្វាយ កន្ទាលត្រអាកពេញខ្លួន រាកឈាម ឫ ហើមនៅនឹងមុខ ក ឫ ក្បាល។

ប្រភព៖www.babycenter.com