ទារកឈឺពោះយំអត់បាត់៖ មូលហេតុ និងដំណោះស្រាយ

សញ្ញាបញ្ជាក់ថាទារកឈឺពោះ

ទារកនៅតូច គេមិនទាន់អាចនិយាយប្រាប់អ្នកបាន ថាគេឈឺពោះ ឫ អត់។ តែជាសំណាងល្អ អ្នកអាចសម្គាល់បានតាមរយៈរោគសញ្ញាដូចខាងក្រោម៖

យំខុសពីធម្មតា (យូរជាងមុន ឫ ញឹកញាប់ជាងមុន)
ក្អែរ ឫ ក្អួតទឹកដោះ
មិនបៅ ឫ មិនញ៉ាំ
ទារកគេងមិនស្កប់ (ខុសប្លែកពីធម្មតា)
រាករូស ឫ ទល់លាមក
ពេបមាត់
ទាញជើងមករកពោះ
មិននៅស្ងៀម ឫ រមួលខ្លួន

មូលហេតុបង្កឱ្យទារកឈឺពោះ

ហើមពោះ
ទល់លាមក
ការបំបៅមិនបានត្រឹមត្រូវ អាចធ្វើឱ្យក្មេងជញ្ជក់ទឹកដោះលាយខ្យល់
ឱ្យក្មេងជញ្ជក់ដបលេង
ការផ្លាស់ប្ដូរពីទឹកដោះណាមួយចូលទឹកដោះមួយប្រភេទទៀត
អាលែកហ្ស៊ី ឫ ប្រតិកម្មជាមួយទឹកដោះ/អាហារ
មានជំងឺកក្រពះបិតមិនជិត (GERD)
បណ្ដាលពីម៉ាក់ៗបំបៅទឹកដោះម្ដាយ ញ៉ាំអាហារដែលធ្វើឱ្យទារកឈឺពោះ (ឧ. ញ៉ាំអាហារហឹរ ជូរ ផលិតផលទឹកដោះ ឫ កាហ្វេ -ល-)

វិធីកាត់បន្ថយការឈឺពោះ

រុញជើងទារកថ្នមៗទៅមុខទៅក្រោយ (ដូចចង្វាក់នៃការធាក់កង់)
ម៉ាស្សាថ្នមៗលើពោះទារក (ជារាងគូថខ្យង ឫ ទ្រនិចនាឡិកា)
សង្កេត និងបញ្ចៀសការផ្ដល់អាហារដែលក្មេងញ៉ាំរួចបង្កឱ្យគេ យំ មួរម៉ៅ រករឿង ឫ ដើរខ្យល់ខុសធម្មតា
បើអ្នកបំបៅកូនដោយទឹកដោះម្ដាយ ប្រុងប្រយ័ត្នលើការញ៉ាំអាហារហឹរ ជូរ ផលិតផលទឹកដោះ ឫ កាហ្វេ -ល-
បញ្ចៀសការបំបៅមិនត្រឹមត្រូវ ដូចជាការបំបៅយូរៗលើសកម្រិត ឫ ឱ្យក្មេងជញ្ជក់ដបលេង
សាកល្បងផ្លាស់ប្ដូរម្សៅទឹកដោះគោ ក្នុងករណីក្មេងនៅតែបន្តឈឺពោះយូរថ្ងៃ
ឆុងទឹកដោះគោជាមួយទឹកនៅសីតុណ្ហភាព 70°C ដែលវាជួយឱ្យម្សៅរលាយលឿន (ដោយអ្នកមិនចាំបាច់ត្រូវ គ្រលែងយូរ ដែលវាអាចធ្វើឱ្យឡើងពពុះបង្កឱ្យទារកបៅរួចឈឺពោះ)
បើក្មេងទល់លាមក ព្យាយាមផ្ដល់អាហារដែលសម្បូរជាតិសរសៃដូចជាបន្លែ និងផ្លែឈើ (ក្មេង៦ខែឡើង)
ពរក្មេង និងគោះខ្នងថ្នមៗដើម្បីឱ្យក្មេងភើរខ្យល់ចេញមកក្រៅនៅក្រោយពេលបៅរួច
ព្យាបាលជំងឺរាករូសលើទារក។