គ្រោះថ្នាក់យ៉ាងណា? បើប្រើទូរស័ព្ទច្រើនពេលមានផ្ទៃពោះ

សព្វថ្ងៃនេះទូរស័ព្ទបានក្លាយជាឧបករណ៍មួយដែលចាំបាច់សម្រាប់មនុស្សគ្រប់វ័យដើម្បីទំនាក់ទំនង ប្រកបអាជីវកម្ម មើលបណ្ដាញសង្គម លេងហ្គេម និងសកម្មភាពកំសាន្តនានា។ តើបងប្អូនដឹងទេថាការប្រើប្រាស់ទាំងនេះមានផលប៉ះពាល់អ្វីខ្លះចំពោះសុខភាពជាពិសេសស្ត្រីក្នុងពេលមានផ្ទៃពោះ? ហេតុអ្វីត្រូវមានការព្រួយបារម្ភអំពីវិទ្យុសកម្ម?

ក្នុងត្រីមាសដំបូងនៃការមានផ្ទៃពោះ ឬរយៈពេលសប្ដាហ៍ ទី ២ ដល់ទី ១៨នៃការមានផ្ទៃពោះ ស្ត្រីមិគួរនៅជិតសារជាតិវិទ្យុសកម្មនោះទេ។ ទូរស័ព្ទ កំព្យូរទ័រ អង់តែន ប្រព័ន្ធអ៊ីនធឺណែតជាដើមគឺសុទ្ធសឹងតែជាមានផ្ទុកនូវសារជាតិវិទ្យុសកម្ម។ ការប៉ះផ្ទាល់ ឬនៅជិតឧបករណ៍ទាំងនេះរយៈពេលយូរអាចបណ្ដាលអោយប៉ះពាល់ដល់ការលូតលាស់ទារកក្នុងផ្ទៃ។

ក្នុងនោះដែរ ការប្រើប្រាស់ទូរស័ព្ទក្នុងរយៈពេលយូរអាចធ្វើអោយមានការប៉ះពាល់ទៅលើខួរក្បាលដែលក្នុងនោះរួមមានណឿយហត់ អស់កម្លាំង ល្ហិតល្ហៃ ភ្លេចភ្លាំង និងរំខានដល់ការគេង។

ទោះជាយ៉ាងនេះក្ដី ស្ត្រីគួរព្យាយាមកុំបារម្ភអំពីការប្រើប្រាស់ទូរស័ព្ទរបស់អ្នកពេលមានផ្ទៃពោះ។ វាមានសារៈសំខាន់ណាស់សម្រាប់អ្នកដែលអាចទាក់ទងមនុស្សបានយ៉ាងងាយស្រួលមិនថាដោយហេតុផលអ្វីក៏ដោយ។

អ្នកអាចកាត់បន្ថយការប៉ះពាល់នឹងវិទ្យុសកម្មអេឡិចត្រូម៉ាញ៉េទិចបានដោយ៖

• ប្រើទូរស័ព្ទតែពេលណាដែលចាំបាច់ និងនិយាយរយៈពេលខ្លីបំផុត
• ប្ដូរពីការនិយាយទូរស័ព្ទទៅជាការផ្ញើរសារ
• មិនមានការសិក្សាណាបញ្ជាក់ថាការនិយាយឆ្ងាយពីទូរស័ព្ទអាចកាត់បន្ថយហានិភ័យបានទេ តែការប្រើប្រាស់កាស់ត្រចៀកគឺជាការប្រសើរ។

ប្រភព៖indianexpress.combabycentre.co.uknuclearsafety.gc.ca