កម្ដៅប៉ុណ្ណេះឡើង ទើបគ្រូពេទ្យសន្មត់ថាក្មេងក្ដៅខ្លួន

ក្រុមគ្រូពេទ្យជំនាញនៅខាងវិទ្យាស្ថានបង្ការនិងគ្រប់គ្រងជំងឺឆ្លង (The Centers for Disease Control and Prevention ហៅកាត់ CDC) បានឱ្យនិយមន័យនៃការក្ដៅខ្លួនថា ”ជាការក្ដៅខ្លួន ឫ សីតុណ្ហភាពរាងកាយកើនឡើង ចាប់ពី 38°C ឡើងទៅ” ។

អាការៈអមជាមួយការក្ដៅខ្លួនលើទារក និងកុមារ

រោគសញ្ញាខាងក្រោម អាចនិងកើតមានអមជាមួយនឹងការក្ដៅខ្លួនរបស់ទារក និងកុមារ៖

• ក្ដៅចាប់ពី 38°C ឡើង
• ស្ងួត ឫ ក្រៀមមាត់
• មានអាការៈក្អួត និងរាក
• ក្មេងចេះតែទាញត្រចៀក ឫ ឈឺក្នុងត្រចៀក
• រករឿង មួរម៉ៅ ស្រែកយំលឺៗ
• មិនបៅ ឫ មិនញ៉ាំអាហារ
• ឈឺពោះ
• ប្រកាច់
• ឈឺក្បាលខ្លាំង
• ស្លេកស្លាំង
• កន្ទួល ឫ រោលលើស្បែក
• ឈឺក ឫ ណែនបំពង់ក
• បាត់បង់ស្មារតី
• ឈឺតាមសន្លាក់ ឫ ហើមតាមសន្លាក់
• ស្រែកថ្ងូរតិចៗ
• ផ្នែកទន់លើក្បាលទារកឡើងហើម។
• មូលហេតុក្ដៅខ្លួន

បញ្ហាក្ដៅខ្លួនអាចបណ្ដាលមកពីមូលហេតុដូចជា៖

• ឆ្លងវីរុស និងបាក់តេរីអាចបង្កឱ្យក្មេងឡើងកំដៅខ្លួន
• ការចាក់វ៉ាក់សាំងមួយចំនួន
• ជំងឺលើប្រព័ន្ធការពាររាងកាយ ។ល។
• វិធីសាស្រ្តក្នុងការកំណត់ការក្ដៅខ្លួនលើទារក និងកុមារ

• វាស់សីតុណ្ហភាពតាមមាត់៖ លើសពី5°C ទើបចាត់ទុកថាក្មេងក្ដៅខ្លួន
• វាស់តាមរន្ធគូថ៖ លើសពី38°C ទើបចាត់ទុកថាក្មេងក្ដៅខ្លួន។

ការវាស់សីតុណ្ហភាពរាងកាយ គ្រូពេទ្យជំនាញលើកទឹកចិត្តឱ្យអាណាព្យាបាលប្រើទែម៉ូមែត្រឌីជីថលជាជាងការប្រើទែម៉ូមែត្របារត (ព្រោះទែម៉ូមែត្របារតងាយបែកដែលអាចងាយមុត និងពុលដល់រាងកាយ)។

ការវាស់តាមរន្ធគូថជាវិធីសាស្រ្តដ៏ពេញនិយមក្នុងការកំណត់សីតុណ្ហភាពរាងកាយទារក និងកុមារ។

• ឱសថបញ្ចុះកម្ដៅរាងកាយ
• ប៉ារ៉ាសេតាមុល(Paracetamol) ឫ អាសេតាមីណូហ្វេន (Acetaminophen)
• អុីប៊ុយប្រូហ្វេន (Ibuprofen) (អាចប្រើលើទារកអាយុ៦ខែឡើង)

សូមសាកសួរគ្រូពេទ្យជំនាញជាមុនសិន មុននឹងប្រើប្រាស់ឱសថណាមួយលើទារក​និងកុមារ។

ប្រភព៖familydoctor.orgwww.cdc.gov